នេះជាអំពើឃាតកម្មដ៏សាហាវបំផុតមួយ ដែលនារីរូបស្រស់សោភាម្នាក់ ត្រូវបានឃាតករសម្លាប់ និងកាត់សាកសពរបស់នាងពាក់កណ្តាលខ្លួន រួចយកញាត់ចូលធុងជ័រ មុនពេលយកទៅកប់ក្នុងព្រៃ ។
ប៉ូលីសនៅក្នុងប្រទេសថៃ បានឲ្យដឹងថា សាកសពនារីម្នាក់ឈ្មោះ Warisara Glinjui អាយុ ២៣ ឆ្នាំ ត្រូវបានរកឃើញដោយពួកអ្នកចំការ ។ ដោយផ្នែកនៃសពរបស់នាង ត្រូវបានគេដាក់ចូលក្នុងធុង២ផ្សេងគ្នា ដែលរុំក្នុងថង់ប្លាស្ទិកពណ៌ខ្មៅ ស្ថិតនៅចម្ងាយច្រើនម៉ែត្រ ពីផ្លូវលំមួយ ។
ប៉ូលីសបានប្រាប់ក្រុមអ្នកសារព័ត៌មានថា ផ្នែកតាមការស៊ើបអង្កេតរបស់ពួកគេ នោះនារីរងគ្រោះដែលធ្វើការនៅពេលយប់ នៅក្នុងក្លឹបកំសាន្តមួយក្នុងទីក្រុង ត្រូវបានគេសម្លាប់នៅកន្លែងផ្សេង មុនពេលកាត់ផ្តាច់ពាក់កណ្តាលចង្កេះ យកទៅកប់ចោល ។
ស្នាមសាក់នៅលើទ្រូង និងខ្នងរបស់នាង អាចធ្វើឲ្យប៉ូលីសកំណត់អត្តសញ្ញាណរបស់នាងបាន ។
មួយក្នុងចំណោមសាក់ទាំងនោះ ដែលសរសេរឈ្មោះមិត្តស្រីម្នាក់របស់នាងឈ្មោះថា «tomboy» ដែលត្រូវបានប៉ូលីសហៅមកសួរចម្លើយអស់រយៈពេល១ម៉ោង នៅក្នុងថ្ងៃដដែលនោះ ប៉ុន្តែ បន្ទាប់មក ត្រូវបានដោះលែងវិញ ។
នាងបានចាក់សាក់ផ្សេងៗគ្នា នៅលើខ្នង ហើយមួយនៅលើទ្រូងរបស់នាង បានសាក់ថា៖ «Poppy» ។
ការបាត់បង់ទូរស័ព្ទ ក៏ដូចជាលុយកាក់ ជាប់នឹងខ្លួនរបស់ Warisara បានធ្វើឲ្យប៉ូលីសអាចសន្និដ្ឋានបានថា ការស្លាប់របស់នាងអាចជាប់ពាក់ព័ន្ធនឹងអំពើប្លន់ ប៉ុន្តែ ក៏មានការសង្ស័យដែរថា អាចកើតឡើងដោយសាររឿងប្រច័ណ្ឌ ក្នុងទំនាក់ទំនងផ្ទាល់ខ្លួនរបស់នាង ។
ប្តីរបស់នាងឈ្មោះ Nong Khai អាយុ ៣៥ ឆ្នាំ ជាកម្មករសំណង់ ត្រូវបានប៉ូលីសហៅសួរនាំផងដែរ ។ សូមបញ្ជាក់ថា ហេតុការណ៍នៃអំពើឃាតកម្មដ៏សាហាវនេះ បានកើតឡើងក្នុងខែឧសភា ឆ្នាំ២០១៧ ៕ ចន្ទី
