មានមនុស្សជាច្រើនណាស់ដែលមិនអាចគ្រប់គ្រងខ្លួនឯងបាន នៅពេលដែលពួកគេខឹង។ ដូចជារឿងមួយនេះជាដើម ដែលបានកើតឡើងនៅក្នុងប្រទេសថៃ ដោយកូនប្រុសតិរិច្ឆានម្នាក់ បានវាយសម្លាប់ឪពុកខ្លួនឯង ដោយគ្រាន់តែគាត់ធ្វើម្ហូបឲ្យខ្លួនយឺត។
កូនប្រុសតិរិច្ឆាននោះឈ្មោះ Sakdin Duangphakhon អាយុ ៣៦ឆ្នាំ។ រូបគេរស់នៅជាមួយនឹងឪពុកម្តាយនៅក្នុងផ្ទះមួយក្នុងស្ថិតក្នុងខេត្ត Buriram ភាគខាងត្បូងប្រទេសថៃ។ ខណៈពេលកំពុងធ្វើដំណើរត្រឡប់មកផ្ទះ បុរសរូបនោះបានឈប់ទិញសាច់ជ្រូកដើម្បីធ្វើស៊ុបដែលខ្លួនចូលចិត្តហូប។
ឪពុករបស់គាត់ អាយុ ៦៥ឆ្នាំ ឈ្មោះ Ngor បានយកសាច់ដើម្បីធ្វើម្ហូបឲ្យគាត់។ នៅពេលឪពុកគាត់កំពុងរៀបចំចំអិនស៊ុប គាត់ក៏បានយកស្រាបៀមួយដប ទៅផឹកនៅខាងក្រៅ។ ដោយសារចាំយូរពេលកូនប្រុសតិរិច្ឆាននេះ ក៏មានអារម្មណ៏ឃ្លានខ្លាំង ហើយគាត់ក៏ទៅសួរឪពុកគាត់ថាធ្វើម្ហូបរួចឬនៅ?
គាត់ក៏កើតមានចិត្តខឹង នៅពេលឪពុកគាត់មិនទាន់បង្កាត់ភ្លើងរួច ហើយធ្វើឲ្យការចំអិននៅពន្យាពេលយូរទៀត ហើយឪពុកឧក្រិដ្ឋជននោះក៏បានប្រាប់គាត់ថា គាត់ភ្លេចដាក់ទឹកត្រីក្នុងស៊ុប បាត់ទៅហើយ (ទឹកត្រីជាគ្រឿងផ្សំយ៉ាងសំខាន់ក្នុងការស្លសម្លរបស់ថៃ)។ Sakdin Duangphakhonមានអារម្មណ៏ថា ឪពុកខ្លួនខ្ជះខ្ជាយលុយ និងពេលវេលារបស់ខ្លួនណាស់ ដោយមិនបានបង់គ្រឿងគ្រូវតាមក្បួនឲ្យត្រឹមត្រូវ។
បន្ទាប់មក កូនចិត្តនរកនេះ ក៏បានយកដបស្រាបៀវាយក្បាលឪពុករបស់ខ្លួន ព្រមទាំងបានយកកាំបិតចាក់ឪពុកបង្កើតរបស់ខ្លួនផងដែរ ចំនែកម្តាយរបស់គាត់ព្យាយាមឃាត់ និងបានរត់ទៅប្រាប់ប៉ូលិស ប៉ុន្តែពេលត្រឡប់មកវិញ បុរសរងគ្រោះក៏បានស្លាប់នៅក្នុងថ្លុកឈាមទៅហើយ។
ចុងបញ្ចប់កូនតិរិច្ឆានរូបនោះ ត្រូវប៉ូលីសចាប់ រួចឲ្យយកទៅធ្វើត្រាប់ ហើយប៉ូលីសក៏បានឲ្យជននោះលុតជង្គង់នៅកន្លែងកើតហេតុ ដើម្បីសុំទោសដល់សពឪពុកខ្លួន៕ សុភ័ក្ត្រ
