ខេត្តកំពង់ចាម : នាព្រឹកថ្ងៃអង្គារ ទី៣ ខែមេសា ឆ្នាំ២០១៨ វេលាម៉ោង ១០និង២០នាទី មានករណីអត្តឃាតស្ត្រីម្នាក់លោតទឹកសម្លាប់ខ្លួន នៅចំណុចលើស្ពានគីហ្សូណាចន្លោះបង្គោល P៧-P៨ ស្ថិតក្នុងភូមិទី៣ សង្កាត់វាលវង់ ក្រុងកំពង់ចាម។
នគរបាលមូលដ្ឋាន បានបញ្ជាក់ថា ករណីនេះបង្កឡើងដោយឈ្មោះ ភាព ផល្លិកា ភេទស្រី អាយុ២១ឆ្នាំ មានទីលំនៅភូមិទួលស្នួល ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ ខណៈពេលជិះម៉ូតូជាមួយម្តាយ ចេញពីក្រុងកំពង់ចាម ត្រឡប់ទៅផ្ទះវិញ ពេលដល់លើស្ពានជនរងគ្រោះ ខាងលើបានចុះពីលើម៉ូតូ លោតពីលើស្ពានតែម្តង។
នគរបាលមូលដ្ឋាន បានបន្ថែមថា មូលហេតុ មានវិបត្តិផ្លូវចិត្ត ក្រោយពីទទួលបានព័ត៌មានភ្លាមកម្លាំងសមត្ថកិច្ចយើង បានជួយសង្គ្រោះយកមកដល់លើច្រាំង ទន្លេ និងបានទំនាក់ទំនងរថយន្តសង្គ្រោះបានដឹកទៅសង្គ្រោះនៅមន្ទីរពេទ្យខេត្តកំពង់ចាម ពេលមកដល់មន្ទីរពេទ្យខេត្ត គ្រូពេទ្យបានប្រាប់ថា ជនរងគ្រោះបានស្លាប់បាត់បង់ជីវិតទៅហើយ។ ព្រមទាំងបានបង្កើតគណៈកម្មការត្រួតពិនិត្យសាកសព និងបានប្រគល់សាកសពឱ្យក្រុមគ្រួសារយកទៅធ្វើបុណ្យតាមប្រពៃណី៕ ដោយ៖បញ្ញាស័ក្តិ
