និស្សិតស្រីដ៏ស្រស់ស្អាតម្នាក់ ថ្មីៗនេះ បានធ្វើឲ្យមិត្តភក្តិរបស់នាង ក៏ដូចជាហ្វេនៗជាច្រើនទៀត រំជួលចិត្តទប់ទឹកភ្នែកពុំបាន បន្ទាប់ពីបានឃើញរូបថត២សន្លឹក និងអានសារបញ្ជាក់ពីភាពសោកស្តាយរបស់នាង ចំពោះអ្នកម្តាយជាទីស្រលាញ់ដែលបានលាចាកលោកទៅ ពុំបានឃើញថ្ងៃដែលនាងគ្រងសម្លៀកបំពាក់ទទួលសញ្ញាប័ត្រ ដោយមានតែវត្តមានលោកប៉ារបស់នាងតែប៉ុណ្ណោះ ។
តាមរយៈគណនីហ្វេសប៊ុករបស់នាងដែលមានឈ្មោះថា “Mirror Mei” នាងបានបង្ហោះរូបថត២សន្លឹក (ឈរមុខផ្នូរអ្នកម្តាយ និងក្រាបសំពះលោកប៉ាក្នុងថ្ងៃទទួលសញ្ញាប័ត្រ) ជាមួយនឹងសារក៏ក្រៀមក្រំមួយរៀបរាប់ថា៖ «ម៉ាក់ហាម៉ាក់ថ្ងៃនេះកូនស្រីពៅដ៏ក្បាលខូចរបស់ម៉ាក់បានទទួលសញ្ញាប័ត្រហើយ…?? ម៉ាក់ធ្លាប់ប្រាប់កូនថាម៉ាក់ចង់ឃើញស្លៀកសំលៀកបំពាក់មួយហ្នឹង ហើយប្រាប់ទៀតថាកូនជាស្រីត្រូវខំប្រឹងរៀនអោយបានខ្ពស់ ត្រូវរកអនាគតល្អ។ ទោះពេលម៉ាក់ធ្លាក់ខ្លួនឈឺខ្លាំងទោះម៉ាក់ស្ថិតនៅចំនុចគ្រោះថ្នាក់ក៏ម៉ាក់សុខចិត្តលះបង់ជីវិតក៏នៅតែមិនអោយកូនឈប់រៀនដែរ(ថ្នាក់ទី១២)។ហើយពេលនេះ កូនធ្វើបានជោគជ័យហើយមិចអត់ឃើញម៉ាក់មកឃើញតែប៉ាមក។ ហើយពេលកូនឃើញម៉ាក់ប៉ារបស់គេមក អបអរសាទរកូនគេ កូននឹកម៉ាក់ណាស់ ចង់អោបម៉ាក់ណាស់ ចង់លុតជង្គង់អរគុណម៉ាក់ណាស់ ចង់អោយម៉ាក់ឃើញថ្ងៃនេះរបស់កូនណាស់ តែម៉ាក់មកមិនបាន តែទោះជាម៉ាក់មិនបានមក ក៏កូនទៅរកម៉ាក់ដែរ ព្រោះកូនគិតថាម៉ាក់មិនទាន់ទៅណាឆ្ងាយពីកូនទេ ម៉ាក់តែងតែនៅក្នុងចិត្តកូន កូនសុំទោសណាម៉ាក់ដែលវាយូរយ៉ាងនេះ សុំទោសដែលតែងតែទាស់ពាក្យសម្ដីជាមួយម៉ាក់ តែថ្ងៃនេះកូនធំហើយ ទើបកូនយល់ពីទឹកចិត្តជាម្តាយហើយ… តែទំរាំកូនយល់ហួសពេលទៅហើយ។
អរគុណ…ណាស់ដែលលះបង់ដល់ថ្នាក់នេះ????
បើអ្នកនៅមានឱកាស សូមធ្វើវាអោយអស់ពីសមត្ថភាព ព្រោះឱកាសអត់មានច្រើនដងទេ។» ៕ ចន្ទី
