នឹកដល់រឿងងូតទឹកងូតភក់ នោះជឿថាប្រិយមិត្តប្រាកដនឹងអស់សំណើចជាមិនខាន និងក៏មិនទាន់ភ្លេចនៅឡើយ ចំពោះក្មេងស្រីម្នាក់ ដែលកាលពីពេលកន្លងទៅនេះ បានធ្វើឲ្យគ្រប់គ្នានៅលើបណ្តាញសង្គម មានការភ្ញាក់ផ្អើលជាខ្លាំងតែម្តង ខណៈឃើញខ្លួនប្រាណទាំងមូលរបស់នាងពោរពេញទៅភក់គ្មានសល់ចន្លោះណា ដែលក្រឡេកមួយភ្លែតស្មានតែរូបសំណាកអុីចឹង។
តែដោយឡែក ថ្មីៗនេះ ស្រាប់តែមានក្មេងប្រុសតូចម្នាក់ទៀតហើយ បានកំពុងធ្វើឲ្យអ្នកលេងបណ្តាញសង្គម នាំគ្នាសើចផ្អើលគិលតែម្តង ខណៈរូបគេក៏បានងូតទឹកងូតភក់ដូចក្មេងស្រីមុនដែរ។
ក្នុងនោះ គណនីហ្វេសប៊ុកឈ្មោះ Bopha Bopha ដែលជាអ្នកជិតខាង បានបង្ហោះវីដេអូ និងភ្ជាប់ Caption គួរឲ្យអស់សំណើចថា៖ «មកងូតទឹក បែរជាទៅងូតភក់ បាត់ខោ ហៅឡើងមកលើមិនមកទៀត នៅចាំរកខោសិនបានឡើង»។
គណនីខាងលើក៏បានបញ្ជាក់ថា ក្មេងប្រុសដែលមានអាយុជាង២ឆ្នាំនោះ បានមកងូតភក់បែបនេះ នៅគ្រលក់ថ្នល់មុខផ្ទះ គឺបន្ទាប់វាបានឃើញក្មេងៗដទៃ លោតទឹកលេងក្បែរនោះ និងក៏បានបញ្ជាក់ថា ហៅអត់ឡើងទេ គឺទាល់តែរកខោឃើញ ទើបវាឡើងពីទឹកភក់ ព្រោះខ្លាចម៉ែវ៉ៃ៕ រក្សាសិទ្ធិដោយ៖ លឹម ហុង
