នារីម្នាក់ឈ្មោះ Min Wenqing អាយុ ២៤ ឆ្នាំ បានធ្វើជាអ្នកកំដរកូនក្រមុំ នៅក្នុងពិធីមង្គលការមួយក្នុងភូមិរបស់នាង ប៉ុន្តែ ពេលពិធីបានចប់សព្វគ្រប់ នាងមានអារម្មណ៍ឈឺនៅថ្ងៃស្អែក ដោយដូចជាឈឺជំងឺផ្តាសាយអីចឹង ។ ទោះយ៉ាងណា នាងគ្រាន់តែគិតថា នាងអស់កម្លាំងពីធីនោះ និងមានអារម្មណ៍មិនស្រួលខ្លួន ដោយតែសំរាកមិនគ្រប់គ្រាន់ ។
ទោះយ៉ាងណា នៅថ្ងៃបន្ទាប់មកពីពិធីមង្គលការគេរួច ក្រុមគ្រួសាររបស់នាងបានឃើញស្ថានភាពរបស់នាងក្នុងក្តីដ៏រន្ធត់ អស់រយៈពេលជាង ១០ នាទី ។ នាងបានទៅជួបគ្រូពេទ្យនៅក្នុងភូមិរបស់នាង ប៉ុន្តែ គ្រូពេទ្យគ្រាន់តែផ្តល់ផ្តាសាយឲ្យនាងប៉ុណ្ណោះ ព្រោះពុំរកឃើញរោគសញ្ញាអ្វីគួរឲ្យកត់សម្គាល់ ។
ស្ថានភាពរបស់នាងបានកាន់តែយ៉ាប់យ៉ឺននៅថ្ងៃបន្ទាប់ៗ ពីនាងបានលេបថ្នាំ ហើយពេលនោះ Min បានក្អួតធ្ងន់ធ្ងរតែម្តង ។ ដោយកាន់តែព្រួយបារម្ភ គ្រួសាររបស់នាងក៏បានបញ្ជូននាងទៅកាន់មន្ទីរពេទ្យក្បែរនោះ, ទីកន្លែងដែលគ្រូពេទ្យនៅទីនោះ បានធ្វើរោគវិនិឆ្ឆ័យរកឃើញថា លក្ខខណ្ឌជំងឺ ៩ ដែលរួមមានជំងឺសរសៃឈាមបេះដូង, ឆ្លងមេរោគទៅក្នុងពោះវៀន, មេរោគបង្កដោយមេរោគចូលក្នុងឈាម និងដំណើរការច្របូកច្របល់សរីរាង្គច្រើន ។
មិនត្រឹមតែប៉ុណ្ណោះ បេះដូងរបស់ Min ស្រាប់តែឈប់ដំណើរការអស់រយៈពេល ១៥ នាទី នៅក្នុងមន្ទីរពេទ្យ ហើយបុគ្គលិកពេទ្យបានព្យាយាមជួយសង្គ្រោះជីវិតនាង ។ សំណាងណាស់ ដែលគ្រូពេទ្យបានជួយសង្គ្រោះជីវិតនាងបាន ប៉ុន្តែ ស្ថានភាពជំងឺរបស់នាងនៅតែបន្តធ្លាក់ចុះ ។ Min បន្ទាប់មកត្រូវបានបញ្ជូនទៅកាន់មន្ទីរពេទ្យដទៃ ដើម្បីព្យាបាលបន្ថែម ហើយវេជ្ជបណ្ឌិតនៅទីនោះ បានរកឃើញថា នាងមានជំងឺឆ្លងឆ្លងធ្ងន់ធ្ងរនៅជើងរបស់នាង ។
បាក់តេរីដែលឆ្លងនោះ បានចូលឆ្លងរាលដាលឆ្អឹងខ្នង នៅលើអវៈយវៈខាងក្រោមផ្អែកខាងស្តាំ ហើយបានដាក់ជីវិតរបស់នាងក្នុងស្ថានភាពដ៏គ្រោះថ្នាក់ ។
បន្ទាប់ពីពិគ្រោះយោបល់ដោយប្រុងប្រយ័ត្ន វេជ្ជបណ្ឌិតបានសម្រេចចិត្តកាត់ជើងរបស់នាងត្រឹមកំភួនជើង ដើម្បីពួកគេអាចជួយសង្គ្រោះជីវិតរបស់នាង ហើយការវះកាត់បានអនុវត្ត ។
បច្ចុប្បន្ន ស្ថានភាពជំងឺរបស់នាងស្ថិរភាព ហើយក៏គ្មានរោគសញ្ញាអ្វីផ្សេងទៀតកើតឡើងនោះទែ ៕ ចន្ទី