Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បុរស ២​នាក់ រៀបការ​ជាមួយ​គ្នា​ព្រោះតែ​មូលហេតុ​… មិន​ងាយ​ស្មានដឹង​

spot_img

​លោក Sakaram Ahirwar អាយុ ៣៥ និង​លោក Rakesh Ahirwar អាយុ ៣២​ឆ្នាំ បាន​ធ្វើ​ពិធី​ស្បថស្បែ​ក្នុង​អា​ពិហ៍​ពិពាហ៍​មួយ​ដោយ​មាន​ការចូល​រួមរ​បស់​ភ្ញៀវ ៣០០​នាក់ រួម​ទាំង​ភរិយា​របស់​អ្នក​ទាំង​២ និង​កូន​ទាំង ៥​នាក់ របស់​ពួកគេ ។​

​បុរស​ទាំង​ពីរ​សុទ្ធសឹង​រស់នៅ​ក្នុងភូមិ​តូច​មួយ​នៅ Indore រដ្ឋ Madhya Pradesh ប្រទេស​ឥណ្ឌា ។ ក្នុង​ពិធី​មង្គលការ​បុរស​ទាំង​ពីរ​ស្លៀកពាក់​តុបតែង​តាមបែប​ប្រពៃណី​របស់​ពួក Hindu ហើយក៏​បាន​ប្រតិបត្តិ​នូវ​បែបបទ​សាសនា​នៃ​ការរៀប​អាពាហ៍ពិពាហ៍ ។

​បុរស​ទាំង​ពីរ​កំពុង​ប្រតិបត្តិ​ពិធី​បញ្ចុក​នំ​ឲ្យ​គ្នា ។​

​អ្នក​អធិបតី​នៃ​ពិធី​មង្គលការ​នេះ គឺ​លោក Ramesh Kumar Tomar អាយុ ៦១​ឆ្នាំ បាន​ប្រាប់ថា ៖ នេះ​គឺជា​អាពាហ៍ពិពាហ៍​ពិសេស​មួយ​ខុសប្លែក​ធម្មតា ព្រោះតែ​គ្មាន​កូនក្រមុំ​ណា​ម្នាក់​សោះ ។ ពលរដ្ឋ​នៅក្នុង​តំបន់​យើងខ្ញុំ​សុទ្ធសឹង​ជឿថា វា​នឹង​ពុំ​អាច​មាន​ភ្លៀង​ប្រសិន​មិន​ធ្វើ​នូវ​រឿង​ខុស​ប្រក្រតី​ណាមួយ​នោះ ។​

​តាមពិត​ទៅ​មង្គលការ​នេះ ត្រូវបាន​អ្នកភូមិ​រៀបចំ​ឡើង​បំណង​ទាក់ទាញ​ចំណាប់អារម្មណ៍​របស់​ទេវតា Indradev ដែល​ជា​ទេវតា​មួយអង្គ​នៃ​សាសនា Hindu ដែល​ទទួលបន្ទុក​ការងារ​ផ្លេកបន្ទោរ រន្ទះ ព្យុះ និង​ភ្លៀង ។ ហេតុ​នេះ​ពួកគេ​សង្ឃឹមថា តាមរយៈ​ទង្វើ​ខុស​ប្រក្រតី​នេះ​អង្គ​ទេវតា​នឹង​ចាប់អារម្មណ៍ ហើយ​បង្អុរ​ទឹកភ្លៀង​ដល់​ពួកគេ ។​

​អាស្រ័យ​ដោយ​នៅ​តំបន់​នោះ ឆ្នាំ​នេះ​ទឹកភ្លៀង​មិន​គ្រប់គ្រាន់​ដើម្បី​បង្កបង្កើន​ផល ធ្វើឲ្យ​ពួកគេ​ទាល់ច្រក​ងាក​មក​ផ្តើម​ជា​គំនិត​បែប​អបិយ​ជំនឿ​ដូច​រៀបរាប់​ខាងលើ ។ ចំណែក​កូន​កម្លោះ​ទាំងពីរ នៃ​អង្គពិធី​សុទ្ធសឹង​ស្ម័គ្រចិត្ត ព្រោះ​គិតថា កាលពី​ពីរ​ឆ្នាំមុន ពួកគេ​ជួប​គ្រោះរាំងស្ងួត​ដូចគ្នានេះ ។ ពេលនោះ​អ្នកភូមិ បាន​រៀបចំ​អាពាហ៍ពិពាហ៍​ឲ្យ​ឆ្កែ​២​ក្បាល រួច​ចុងក្រោយ​មេឃ​ក៏​ភ្លៀង ។​

​ចំណែក​ភ្ញៀវ​ដែល​មក​ចូលរួម​មង្គលការ​នេះ​ត្រូវ​បាន​ប្រាប់​ឲ្យ​យក “​គ្រឿង​ស៊ីចុក​” មក​តាម​ផង ជំនួស​ឲ្យចំ​ណង​ដៃ​។ រីឯ​ភរិយា​របស់​បុរស​ទាំង​ពីរ ស្ងើចសរសើ​រថា ៖ ប្តី​របស់​គេ​កំពុង​ធ្វើ​នូវ​រឿង​ដ៏​ឧដុង្គឧត្តម ។ ពិភពលោក​ទាំងមូល​ពិតជា​លែង​មាន​ការភ្ញាក់ផ្អើល​ចំពោះ​ជនជាតិ​ឥណ្ឌា ដោយហេតុ​ថា ពួកគេ​ភាគច្រើន​ង​ប់ង​ល់​នឹង​អបិយ​ជំនឿ ហើយ​តែ​ជួប​រឿង​ដ៏​ចម្លែកៗ ៕

spot_img
×