ខេត្តមណ្ឌលគិរី ៖ កម្លាំងនគរបាលខេត្តមណ្ឌលគិរី បានឲ្យដឹងថា ស្ត្រីម្នាក់ត្រូវប្តី ដែលមានសតិមិនគ្រប់យកកាំបិតផ្គាក់ស្ទើរដាច់ក ធ្លាក់ចេញពីលើស្មាស្លាប់ភ្លាមៗ ក្នុងថ្លុកឈាម។ សមត្ថកិច្ច ឲ្យដឹងថា ក្រោយមកបុរសជាប្តីមានសតិមិនគ្រប់ ក៏បានសម្លាប់ខ្លួនឯងតាមក្រោយ ដោយបន្សល់ទុក្ខកូនតូចចំនួន ៣នាក់រស់គ្មានទីពឹង។ ហេតុការណ៍ខាងបានកើតឡើងនៅវេលាម៉ោង ៩ព្រឹកថ្ងៃទី០៧ខែមេសាឆ្នាំ២០១៨នៅចំណុចក្រុមការ ស្ថិតក្នុងភូមិពូហ្យាម ឃុំសែនមនោរម្យ ស្រុកអូរាំង ខេត្តមណ្ឌលគិរី។
សមត្ថកិច្ច បានអោយដឹងថា ករណីខាងលើបង្កដោយឈ្មោះ ង្រើម វីន ភេទប្រុស អាយុ៤៣ ឆ្នាំជនជាតិដើមភាគតិចព្នង ទីលំនៅបច្ចុប្បន្នភូមិ ពូហ្យាម ឃុំសែនមនោរម្យ ស្រុកអូររាំង ដោយបុរសជាប្តីខាងលើ បានប្រើកាំបិតផ្គាក់កាប់ប្រពន្ធ ឈ្មោះក្លើយ សុកេ អាយុ ៤០ឆ្នាំ ត្រូវបំពង់ករ ១កាំបិត និងត្រូវកញ្ចឹងករ ពីក្រោយ ១កាំបិត ពេលកំពុងបេះត្រួយស្អំ បណ្តាលអោយស្លាប់នៅក្រោមដើមស្អំជិតផ្ទះ។
សមត្ថកិច្ចនគរបាល បានឲ្យដឹងទៀតថា ក្រោយសំលាប់ប្រពន្ធរួចជនសង្ស័យ បាន យកកាំបិតចុងស្រួចអារករធ្វើអត្តឃាខ្លួនឯង ដាច់បំពង់ករបណ្តាលអោយស្លាប់ទន្ទឹមគ្នា ជាមួយសាកសពប្រពន្ធនៅកន្លែងកើតហេតុតែម្តង ។ សមត្ថកិច្ចបានអោយដឹងទៀតថា មូលហេតុដែលឈានដល់ការសម្លាប់ប្រពន្ធខ្លួនឯងបែបនេះ គឺជនសង្ស័យជាប្តី មានសតិមិនល្អ (ឆ្កួតរយៈពេល៦ខែមកហើយ។
ករណីនេះកំលាំងជំនាញ បានចុះពិត្យកន្លែងកើតហេតុ ស្រាវជ្រាវនិងសាកសួរសាក្សី ចប់សព្វគ្រប់សន្និដ្ឋានថា ៖ ឈ្មោះ ង្រើម វីន ពិតជាកាប់សំលាប់ប្រពន្ធ រួចធ្វើអត្តឃាតខ្លួនឯងប្រាកដមែន និងបានប្រគល់សាកសព អោយសាច់ញាតិយកទៅធ្វើបុណ្យតាមប្រពៃណី៕ ដោយ៖ សមុទ្រឈើ