តាម SoraNews24 ចុះផ្សាយឲ្យដឹងថា បុរសសញ្ជាតិជប៉ុនម្នាក់ អាយុ ៤៨ឆ្នាំ ដែលមិនបញ្ចេញឈ្មោះ បានទៅកាន់តៃប៉ិ (តៃវ៉ាន់) ដើម្បីចូលរួមពិធីសម្តែងចុងក្រោយរបស់ Idol គាត់ ឈ្មោះ Zhou Yingxin ឬហៅថា Dora ។ មុននោះតារាលើបណ្តាញអ៊ិនធើណេតនេះ បានប្រកាសថា នឹងពុំបង្ហោះខ្សែវីដេអូថ្មី ឬធ្វើការសម្តែងដោយផ្ទាល់ក្រោយព្រឹត្តិការណ៍នេះទៀតឡើយ ។
Idol អ៊ិនធើណេតតៃវ៉ាន់ Dora ។
ក្រោយពេលទស្សនា Dora ធ្វើការសម្តែង បុរសម្នាក់នេះ ស្រាប់តែផ្ទុះកំហឹង រួចក៏យកកាំបិតចិតផ្លែឈើមកព្យាយាមវះពោះធ្វើអត្តឃាត តាមបែបសាម៉ូរ៉ៃ បុរាណជប៉ុន ។
បុរសនេះបានប្រឹងធ្វើអត្តឃាតដោយវះពោះ ព្រោះចង់ឲ្យ Idol របស់ខ្លួនកុំបញ្ឈប់មុខរបរ ។
សំណាងល្អដែលអ្នកនៅជុំវិញបានរារាំងទាន់ពេល ហើយបញ្ជូនបុរសនោះទៅកាន់មន្ទីរពេទ្យដើម្បីព្យាបាលមុខរបួស ។
នៅលើ youtube គេឃើញទិដ្ឋភាពបុរសនេះវះពោះ ៕ ចន្ទ្រា