តារាស្រីថៃដ៏ស្រស់ស្អាត នាង Natthacha Cherdchoo អាយុ ២០ ឆ្នាំ បានធ្វើឲ្យមហាជនដែលជាអ្នកគាំទ្រ រន្ធត់ចិត្តសោកស្តាយយ៉ាងខ្លាំង បន្ទាប់ពីទទួលដំណឹងដឹងថា នាងបានជួបគ្រោះថ្នាក់ចរាចរណ៍ដ៏សាហាវ រហូតបាត់បង់ជីវិតភ្លាមៗនៅនឹងកន្លែងកើតហេតុ ក្នុងទីក្រុងអយុធ្យា ។
យោងតាមប្រភពព័ត៌មាន បានឲ្យដឹងថា Natthacha បានបើករថយន្តស៊េរីទំនើបរបស់នាងម៉ាក BMW ពណ៌ស លេខ 5 กบ 5248 ដោយរួមដំណើរជាមួយមិត្ត ៤ នាក់ ដើម្បីទៅលេងសមុទ្រ ។ ប៉ុន្តែ ជាអកុសល ខណៈនាងបើករថយន្តបោះពួយយ៉ាងលឿន ស្របពេលដែលអាកាសធាតុភ្លៀងកក់ខែមួយមេខ្លាំងគួរសមផងនោះ ជាហេតុធ្វើឲ្យនាងបើករេចង្កូតទៅបុកដើមឈើយ៉ាងពេញទំនឹង បណ្តាលឲ្យរថយន្តក្រឡាប់ធ្លាក់ផ្លូវរងការខូចខាតស្ទើរខ្ទេចទាំងស្រុង ។
តារាស្រីដែលជាតួឯកប្រចាំស្ថានីយ៍ប៉ុស្តិ៍លេខ៧របស់ថៃរូបនេះ បានចូលចូលប្រឡូកក្នុងវិស័យសិល្បះភាពយន្ត និងល្ខោន តាំងពីនៅវ័យកុមារមកម្លេះ ។ ដូច្នេះហើយ ការស្លាប់របស់នាង បានធ្វើឲ្យប្រជាជនថៃរន្ធត់ចិត្ត និងសោកស្តាយយ៉ាងខ្លាំង ៕ ចន្ទី