អាពាហ៍ពិពាហ៍ ជាទិវារមង្គលរបស់កូនកំលោះ និងកូនក្រមុំ ប៉ុន្តែដោយមិត្តភក្តិសប្បាយជ្រុលបានធ្វើឲ្យពិធីមង្គលក្លាយទៅជាបុណ្យសពទៅវិញ។
ឃ្លីបវីដេអូដែលថតបាននូវហេតុការណ៍ពុំនឹកស្មានដល់ ធ្វើឲ្យមនុស្សជាច្រើននិយាយលែងចេញ ។ ប្រហែលដោយហេតុថា ចង់សប្បាយជ្រុល ទើបភ្ញៀវចូលរួម ៧នាក់ បានពួតដៃគ្នាលេងល្បែង បោះចាប់ កូនកម្លោះជាកិច្ចអបអរ ។
ស្មានពុំដល់ថា ព្រោះតែសប្បាយជ្រុលអ្នកទាំង ៧នាក់នេះ បានជ្រុលដៃធ្វើឲ្យក្បាលកូនម្លោះធ្លាក់ចុះបោកលើកម្រាលឥដ្ឋ ក្រោយមកក៏សន្លប់បាត់មាត់បាត់ក គេក៏បានយកទៅកាន់មន្ទីរពេទ្យសង្គ្រោះ ប៉ុន្តែមិនយូរប៉ុន្មានក្រោយមកគាត់ក៏លាចាកលោក។
ពិតណាស់រាល់ពេលជួបជុំរីករាយសប្បាយគួរគប្បីចៀសវាងទង្វើកូរហួសហេតុដែលអាចនាំមកនូវសោកនាដកម្មមិនព្រៀងទុក ៕ ចន្ទ្រា
