កំពង់ស្ពឺ ៖ នៅវេលាម៉ោង ១០និង៣៩នាទីព្រឹក ថ្ងៃទី១៧ ខែតុលា ឆ្នាំ ២០២១ នៅលើកំណាត់ផ្លូវជាតិលេខ៤ ចន្លោះគឺឡូម៉ែត្រលេខ ៨៤/៨៥ ស្ថិតនៅភូមិទី១ ឃុំ ត្រែងត្រយឹង ស្រុកភ្នំស្រួចខេត្តកំពង់ស្ពឺ មានរថយន្តមួយគ្រឿង ម៉ាក Hyundai ពណ៌ក្រហមទឹកប្រាក់ ពាក់ស្លាកលេខ កំពង់ស្ពឺ 3A-0548 ដឹក ស៊ីទែនប្រេង របស់ក្រុមហ៊ុន សូគីមិច បានក្រឡាប់ផ្ងារជើង កំពប់ហៀរប្រេងសាំង ពេញផ្លូវជាតិលេខ៤ ។
តាមរបាយការណ៍បានឲ្យដឹងថា អ្នកបើកបរឈ្មោះ ប៊ិន សុខចាន់ អាយុ ២៧ឆ្នាំ រស់នៅភូមិអូរតាពូង ឃុំភក្តីស្រុក បសេដ្ឋ ខេត្តកំពង់ស្ពឺ បើកបរមកពីទិសខាងកើតទៅទិសខាងលិច បើកបរក្នុងល្បឿនលឿន មកដល់ចំណុចខាងលើបានរេចង្កូតក្រឡាប់ដោយខ្លួនឯង បណ្តាលឲ្យ ហូរប្រេងលើផ្លូវជាតិ ។ ក្រោយក្រឡាបរួច សមត្ថកិច្ចដែលឈរជើងនៅគោលដៅ បានទំនាក់ទំនងរថយន្តអគ្គិភ័យ របស់ស្នងការរដ្ឋាន និងអធិការ មកជួយអន្តាគមន៍ និងបានឃាត់រថយន្តដឹកខ្សាច់ឲ្យចាក់នៅកន្លែងហូរប្រេង ។
តាមការបញ្ជាក់ពីសមត្ថកិច្ច ករណីនេះ មិនបណ្តាលឲ្យរបួសមនុស្សទេ ចំពោះអ្នកបើកបរខាងលើ បានធ្វើការអប់រំ ចំពោះវត្ថុតាំងបានប្រគល់ជូនម្ចាស់យកទៅប្រើប្រាសតាមតម្រូវការវិញ៕ រក្សាសិទ្ធិដោយ ៖ កូលាប