យុវជនម្នាក់បានបញ្ជាម៉ូតូ Exciter ក្នុងល្បឿនដ៏លឿន រួចជែងពីមុខរថយន្ត ក៏បុកប៉ះចំពីមុខរថយន្តបង្កជាគ្រោះថ្នាក់គួរឲ្យតក់ស្លុត ។
ខ្សែវីដេអូដែលបានបង្ហោះលើ Otofun កាលពីថ្ងៃ ៨ ខែមេសា បានផ្តិតជាប់ខណៈពេលនៃគ្រោះថ្នាក់ចរាចរណ៍គួរឲ្យតក់ស្លុតមួយនៅខេត្ត Binh Duong ។
តាមនោះយុវជនម្នាក់បានបញ្ជាម៉ូតូ Exciter បើកបរក្នុងល្បឿនយ៉ាងលឿន ខំជែងរថយន្ត Mazda មួយគ្រឿងតែពុំផុត ហើយក៏បុកចំតែម្តង ។
ការប៉ះទង្គិចយ៉ាងខ្លាំងធ្វើឲ្យម៉ូតូខ្ទេចជាបំណែកតូចៗ ខណៈពេលដែលអ្នកបញ្ជាម៉ូតូបានប៉ើងលើអាកាសរួចចុះ “សំចត” លើដីក្នុងសភាពសន្លប់បាត់ស្មារតី ចំណែកអ្នកបើកបររថយន្តក៏ប្រញាប់ប្រញាល់រត់គេចចេញពីកន្លែងកើតហេតុ ៕
