ការលេចធ្លាយប្រេងកាលពីថ្ងៃទី៣១ មីនា នៅ Borneo ដែលចេញពីបំពង់បង្ហូរប្រេងមួយ គ្រប់គ្រងដោយក្រុមហ៊ុនរដ្ឋ Pertamina ឥឡូវនេះ មានទំហំដ៏ធំធេងប៉ុនទីក្រុងប៉ារីសទៅហើយ ។
ដំបូង ក្រុមហ៊ុននេះបានព្យាយាមបដិសេធ មិនទទួលខុសត្រូវចំពោះគ្រោះមហន្តរាយនេះទេ ។ ប៉ុន្តែ របាយការណ៍មួយរបស់ក្រសួងបរិស្ថាន និងព្រៃឈើ បានបញ្ចេញកាលពីថ្ងៃទី៤ មេសា ឲ្យដឹងថា ក្រុមហ៊ុនមានមូលដ្ឋាននៅខេត្ត Kalimantan បានទទួលស្គាល់ថា មួយក្នុងចំណោមបំពង់បង្ហូរប្រេងឆៅទាំងនោះ បានបង្កឲ្យកើតមានការលេចធ្លាយនេះ ដែលបណ្តាលឲ្យរាលដាលរហូតដល់ ១៣០ គីឡូម៉ែត្រការ៉េ ពីឈូងសមុទ្រ Kalikpapan Bay ទៅដល់កំពង់ផែ Makassar ។
យោងតាម EcoWatch អ្នកគ្រប់គ្រងទូទៅរបស់ក្រុមហ៊ុននេះ លោក Togar M.P បាននិយាយថា៖ «ការស៊ើបអង្កេតបឋមរបស់យើង បានសន្មត់ថា ប្រេងនោះគឺជាប្រេងកប៉ាល់ ប៉ុន្តែ រហូតដល់ល្ងាចថ្ងៃទី៣ មេសា យើងក៏ទទួលបានព័ត៌មានថា វាជារបស់យើងខ្ញុំ។ ក្រុមការងារបច្ចេកទេសយើង ភ្លាមៗនោះ ក៏បានរកឃើញចំណុចលេចធ្លាយ និងបិទវាផងដែរ» ។
ហេតុការណ៍ពុំធ្លាប់កើតមាននេះ ត្រូវគេស្តីបន្ទោសថាបានបណ្តាលឲ្យអ្នកនេសាទ ៥ នាក់ ស្លាប់ ត្រីវផ្សោតជិតផុតពូជ និងក៏ដូចបង្កមានបញ្ហាសុខភាពក្នុងចំណោមមនុស្សរាប់ពាន់នាក់នៅក្នុង Balikpapan ៕ ចន្ទី
— mantan pramuka siaga? (@sailormoon_rise) April 4, 2018