តាកែវ៖ បន្ទាប់ពីកិច្ចប្រជុំគណៈបញ្ជាការឯកភាពខេត្ត លើការកើតឡើងដដែលៗចំពោះសិប្បកម្មកែច្នៃ ប្រហុក សរសៃគុយទាវ និងការកែច្នៃស្ករសរមកជាស្ករត្នោត យកមកលក់នៅតាមទីផ្សារដែលជាកត្តានាំអោយប៉ះពាល់ដល់សុខភាពដល់អ្នកបរិភោគនោះ នៅព្រឹកថ្ងៃទី ១០ ខែមេសារ ២០១៨ មន្ត្រីជំនាញកាំកុងត្រូលសាខាខេត្តតាកែវ ដែលដឹកនាំបញ្ជាផ្ទាល់ដោយលោក ឌឹម ថេង អគ្គនាយករងកាំកុងត្រូល និងលោក ប៉ោង លាងគង់ បានធ្វើការចុះត្រួតពិនិត្យការលក់ទំនិញ គ្រឿងឧបភោគបរិភោគនៅលើទីផ្សារក្រុងដូនកែវ និងនៅតាមដេប៉ូចែកចាយស្រាបៀរ ១កន្លែង ។ នៅក្នុងការចុះពិនិត្យនោះដែរ មន្ត្រីជំនាញបានរកឃើញនៅប្រភេទសរសៃគុយទាវបាញ់កាញ់សរសៃធំ ដែលដាក់លក់នៅក្នុងផ្សារក្រុងដូនកែវ ជាង ៣០គីឡូក្រាម មានផ្ទុកនៅសារធាតុគីមីបូរ៉ាក់ និងបានដកហូតយកមកកម្ទេចចោល។ បើកតាមការបញ្ជាក់ពីលោកអគ្គនាយករង កាំកុងត្រូល បានអោយដឹងថា សារធាតុគីមីបូរ៉ាក់ដែលបានដាក់បញ្ចូលទៅក្នុងសរសៃគុយទាវខាងលើនោះ គឺវាមានច្រើនហួសកំរិត ( 3,5g / 1kg សរសៃគុយទាវ) ដែលធ្វើអោយអ្នកបរិភោគវាទៅ មានការប៉ះពាល់ដល់សុខភាពធ្ងន់ធ្ងរ ឬក៏ធ្វើអោយអ្នកបរិភោគវារួចហើយ ភ្លាមៗមានសភាពឈឺក្បាល រាគរួស ជាដើម ក៏ប៉ុន្តែបើសិនជាអ្នកបរិភោគវាយូរៗទៅ អាចបង្ករជាជំងឺធ្ងន់ធ្ងរប៉ះពាល់ ទៅដល់ការខូចក្រលៀន រលាកពោះវៀន រលាកក្រពះ និងរលាកថ្លើមជាដើម ។
លោក ប៉ោ លាងគង់ ប្រធានសាខាកាំកុងត្រូលខេត្តតាកែវ បានអោយដឹងថា នៅការចុះពិនិត្យរកឃើញសរសៃគុយទាវដែលមានផ្ទុកនៅសារធាតុគីមី ដែលកំពុងមានចរាចរលក់នៅលើទីផ្សារនោះ លោកបានស្នើសុំគោលការជាមួយឯកឧត្តមអភិបាលខេត្ត ដោយក្នុងឯកឧត្តម អ៊ូច ភា បានធ្វើលារបញ្ជាអោយមន្ត្រីជំនាញធ្វើការសហកាជាមួយមន្ទីរជំនាញ និងអាជ្ញាធរមូលដ្ឋាន ចុះបិទទីតាំងផលិត កែច្នៃសរសៃគុយទាវដែលមានផ្ទុកសារធាតុគីមីបូរ៉ាក់នោះ ភ្លាម ដែលមានទីតាំង នៅភូមិស្លា ឃុំលាយបូរស្រុកត្រាំកក់ ខេត្តតាកែវ ដែលម្ចាស់ទីតាំងផលិតមានឈ្មោះ កែវ ឈួន ក្នុងនោះមន្ត្រីជំនាញ ក៏បានធ្វើការដលហូត ជាបណ្តោះអាស្នននៅសម្ភារៈផលិតមួយចំនួន របស់ម្ចាស់ទីតាំង យកមករក្សាទុកនៅសាលាឃុំលាយបូរ ។
សូមបញ្ជាក់បន្ថែមថា ទីតាំងសរសៃគុយទាវដែរបិទខាងលើ នោះគឺធ្លាប់បានធ្វើការណែនាំ និងធ្វើកិច្ចសន្យាបញ្ឈប់ការផលិត ដាក់សារធាតុគីមីនោះម្តងរួចមកហើយ ហើយនេះជាលើកទីន២ ៕ តាកែវ