ជនជាតិហ្វីលីពីនជាច្រើន បានធ្វើចំណាកស្រុកទៅកាន់ប្រទេសមានប្រាក់ចំណូលខ្ពស់ ក្នុងក្តីសង្ឃឹមអាចរកលុយបានច្រើន ដើម្បីធ្វើឲ្យជីវិតគ្រួសារល្អប្រសើរ ។ ប៉ុន្តែ ទន្ទឹមនោះផងដែរ ក៏មានជនជាតិហ្វីលីពីនមួយចំនួន បានក្លាយជាជនរងគ្រោះដោយត្រូវថៅកែរំលោភបំពាន ដែលសូម្បីប្រើអំពើហិង្សា ឬ បដិសេធពុំផ្តល់ប្រាក់ខែដែលពួកគេធ្វើឲ្យផងដែរ ។
ជាក់ស្តែង នារីជាពលករម្នាក់ ថ្មីៗនេះ បានទាក់ទាញចំណាប់អារម្មណ៍ពីអ្នកលេងអ៊ីនធើណេតជាច្រើន បន្ទាប់ពីស្ថានភាពរបស់នាងត្រូវបានបញ្ចេញជាសាធារណៈ នៅលើទំព័រហ្វេសប៊ុក “OFW Go Home Project” ។
យោងតាមអ្នកផុស នោះនារីម្នាក់ឈ្មោះ Marilyn Birang ដែលកំពុងធ្វើការនៅតាមផ្ទះនៅក្នុងទីក្រុង Riyadh បានកំពុងត្រូវបានឃុំខ្លួនដោយថៅកែរបស់នាងដោយខុសច្បាប់ ។ យោងតាមអ្នកដែលបានស្គាល់នាង ពួកគេពុំអាចទាក់ទងនាងបានអស់រយៈពេល ៣ ថ្ងៃ មកហើយ ។ ពួកគេពិតជាមានការព្រួយបារម្ភយ៉ាងខ្លាំង ព្រោះ Marilyn មានជំងឺ ហើយពួកគេជឿថានាងពុំអាចហូបអាហារកើតអស់ជាច្រើនថ្ងៃផងដែរ ។
នៅពេលរូបថតរបស់នាងបានរីករាលដាលនៅលើបណ្តាញសង្គម អ្នកលេងអ៊ីនធើរណេត ពិតជាមានការព្រួយបារម្ភជាខ្លាំង ពីសុវត្ថិភាពរបស់នាង ជាពិសេសបន្ទាប់ពីឃើញរូបរាងមុខមាត់ដ៏ស្រស់ស្អាតរបស់នាង ។ ជាការពិតណាស់ នៅក្នុងរូបថតមួយចំនួននាងៗ មើលទៅដូចជាតារាភាពយន្តហ្វីលីពីន នាង Angel Locsin អីចឹង ។
ទោះយ៉ាងណា អ្នកលេងអ៊ីនធើរណេតម្នាក់បានរកឃើញខមិនមួយ ដែលត្រូវបានសន្មត់សរសេរដោយ Marilyn ។ នាងនិយាយថា នាងមិនអីទេ ហើយថាថៅកែរបស់នាងនឹងបញ្ជូននាងទៅស្រុកកំណើតនៅ១សប្តាហ៍ទៀត ។ ជាអកុសល ដោយសារវាគ្រាន់តែជាខមិន screenshot ប៉ុណ្ណោះ ហើយក៏មានវិធីណាមួយបញ្ជាក់ថា តើវាពិតជាអាខោនរបស់ Marilyn ឡើយ ។
ហេតុដូច្នេះ ពួកគេទាំងអស់គ្នា ជួយបន់ស្រន់ព្រះជាម្ចាស់ សូមឲ្យ Marilyn ជួបតែសំណាងល្អ និងវិលត្រឡប់មកស្រុកកំណើត ជួបជុំប្តី និងគ្រួសាររបស់នាងប្រកដោយសុវត្ថិភាព ៕ ចន្ទី
