ទាហានមីយ៉ានម៉ាចំនួន ៧នាក់ ត្រូវបានតុលាការយោធាកាត់ទោសឲ្យជាប់គុករយៈពេល ១០ឆ្នាំក្នុងម្នាក់ ពីបទចូលរួម និងជាប់ទាក់ ទងនឹងការសម្លាប់ជនជាតិរ៉ូហ៊ីង យ៉ាងកាន់សាសនាអ៊ីស្លាមចំនួន ១០នាក់ កាលពីឆ្នាំមុន។ នេះបើតាមការចេញផ្សាយរបស់ BBC នៅរសៀលថ្ងៃពុធនេះ។
យោធាមីយ៉ានម៉ាបានថ្លែងនៅក្នុងសេចក្តីប្រកាសថា ទាហាន ៧នាក់នឹងត្រូវទទួលរងការពិន័យឲ្យជាប់គុករយៈពេល ១០ឆ្នាំ ពីបទចូលរួមក្នុងសកម្មភាពឧក្រិដ្ឋកម្ម។
យោធានៃប្រទេសនេះក៏បានទទួលស្គាល់ជាលើកដំបូងផងដែរ កាលពដើមឆ្នាំថា ទាហ៊ានរបស់ខ្លួនបានចូលរួមក្នុងការសម្លាប់។
សូមបញ្ជាក់ថា ប្រទេសមីយ៉ានម៉ា ត្រូវបានសហគមន៏អន្តរជាតិចោទប្រកាន់ពីបទចង់បោសសំអាតជនជាតិដើមភាគតិចរ៉ូហ៊ីយ៉ា កាន់សាសនាអ៊ីស្លាមនៅក្នុងរដ្ឋរ៉ាឃីន។
ជនជាតិរ៉ូហ៊ីយ៉ាងច្រើនជាង ៦៥០.០០០នាក់ បានភៀសខ្លួនទៅកាន់ប្រទេសបង់ក្លាដេសដើម្បីគេច ចេញពីអំពើហឹង្សា ដែលបានផ្ទុះ ឡើងចាប់តាំងពីខែសីហាឆ្នាំ មុនមក បន្ទាប់ពីមានការវាយប្រហាររបស់ក្រុមសកម្មប្រយុទ្ធទៅលើប៉ុស្តិ៍ប៉ូលិសជាច្រើន។
យោធាមីយ៉ានម៉ាបានច្រានចោលរាល់ការចោទប្រកាន់ថា ខ្លួនវាយប្រហារលើជនស៊ីវិល ដោយរបបនេះបានអះអាងថា ខ្លួនវាយ ប្រឆាំងតែក្រុមសកម្មប្រយុទ្ធប៉ុណ្ណោះ៕
