ក្មេងប្រុសជំទង់ម្នាក់ឈ្មោះ Tristyn Lee អាយុ ១៥ ឆ្នាំ បានកំពុងទទួលការចាប់អារម្មណ៍ខ្លាំង ពីសំណាក់អ្នកប្រើប្រាស់អ៊ីនធើរណេត បន្ទាប់ពីរូបភាពជាច្រើនបានបង្ហាញរូបគេមានសាច់ដុំកង់ៗដ៏អស្ចារ្យ ដែលសមសួនជាងអ្នកហាត់សាច់ដុំពេញវ័យជាច្រើនទៀត ។
អ្នកហាត់សាច់ដុំវ័យក្មេងរូបនេះ ដែលមកពីរដ្ឋកាលីហ្វ័រញ៉ា (អាមេរិក) បានចំណាយពេលច្រើនម៉ោង នៅក្នុងកន្លែងហាត់ប្រាណប្រភេទនេះ ដើម្បីធ្វើឲ្យប្រាកដថារូបរាង និងសាច់ដុំរបស់គេ នៅតែល្អលំដាប់កំពូល ។
Tristyn តែងតែបញ្ចញរូបថតបង្ហាញឲ្យឃើញពីសណ្ឋានសាច់ដុំក្លែបៗ និងក៏ដូចបង្ហាញពីកម្លាំងដ៏ខ្លាំងមហិមារបស់គេ នៅលើបណ្តាញសង្គម Instagram ដែលមានអ្នកតាមដានជាង 266,000 នាក់ និងអ្នក subscriber ចំនួន 23,000 នៅលើឆាណែល Youtube របស់គេផងដែរ ។
Tristyn បានសរសេរនៅលើ Instragram ថា៖ «នៅពេលដែលអ្នកឈប់យកចិត្តទុកដាក់ អំពីអ្វីៗផ្សេងទៀត ក្រៅតែអំពីអ្វីដែលជាគោលដៅរបស់អ្នកផ្តោត នោះអ្នកនឹងឈានដល់គោលដៅទាំងនោះហើយ ។ ហេតុនេះ ត្រូវមានភាពស្មោះត្រង់លើខ្លួនឯង និងធ្វើខ្លួនឯងដោយភាពទទួលខុសត្រូវ នៅពេលដែលអ្នកមិនស្ថិតនៅកន្លែងដែលអ្នកចង់នៅ ឬ នៅពេលអ្នកមិនមើលវិធីដែលខ្លួនអ្នកចង់បាន ។ វាគ្រាន់តែជាអ្នកម្នាក់ប៉ុណ្ណោះ» ។
ក្រៅពីចូលរួមហាត់ប្រាណ និងកាប្រកួតកីឡាសាច់ដុំនេះ ក្មេងប្រុសជំទង់នេះ ក៏ជាកីឡាករបាល់ទាត់ដ៏ពូកែម្នាក់ផងដែរ ៕ ចន្ទី
