មនុស្សយ៉ាងហោចណាស់ចំនួន ២៥៧នាក់បានស្លាប់កាលពីថ្ងៃពុធម្សិលមិញនេះ នៅពេលយន្តហោះយោធារបស់ប្រទេសអាល់ហ្សេរីមួយគ្រឿងបានធ្លាក់ក្បែររដ្ឋធានី Algiers។ នេះបើតាមការចេញផ្សាយរបស់សារព៌តមាន CNN។
បើតាមសេចក្តីរាយការណ៏បានឲ្យដឹងថា យន្តហោះនោះបានភ្លាមៗ ក្រោយពេលបានហោះចេញពីមូលដ្ឋានទ័ពអាកាស Boufarik ដែលស្ថិតនៅចន្លោះ រដ្ឋធានី Algiers និងទីក្រុង Blida។ក្នុងចំណោមអ្នកស្លាប់ មាន ១០នាក់ជាបុគ្គលិករបស់យន្តហោះ។
គេនៅពុំទាន់បានដឹងច្បាស់នៅឡើយទេពីមូលហេតុនៃការធ្លាក់យន្តហោះដ៏រន្ធត់នេះ។
សូមបញ្ជាក់ថា ការធ្លាក់យន្តហោះស៊ីរីនេះគឺជាគ្រោះមហន្តរាយដ៏អាក្រក់បំផុតចាប់តាំងពីឆ្នាំ ២០១៤នៅពេលដែលយន្តហោះដឹកអ្នកដំណើរមួយគ្រឿងរបស់ម៉ាឡេស៊ីត្រូវបានគេបាញ់ទម្លាក់នៅក្នុងប្រទេសអ៊ុយក្រែន។
ក្នុងឆ្នាំ ២០១៤ផងដែរ យន្តហោះមួយគ្រឿងដែលដឹកសមាជិកនៃកងទ័ពអាកាស និងសមាជិករបស់ពួកគេបានធ្លាក់នៅប្រទេសអាហ្សេរីភាគខាងលិច បណ្តាលឲ្យមនុស្ស ៧៧នាក់ស្លាប់។ នៅក្នុងឆ្នាំដដែលផងដែរ យន្តហោះរបស់ក្រុមហ៊ុនអាកាសចរណ៏អាហ្សេរីបានធ្លាក់ក្នុងប្រទេសម៉ាលី បណ្តាលឲ្យមនុស្ស ១១៦នាក់ស្លាប់។ សុភ័ក្ត្រ
