ខេត្តព្រៃវែង ៖ សមត្ថកិច្ចនគរបាល ស្រុកកញ្ចៀច ខេត្តព្រៃវែង បានឲ្យដឹងថា នៅថ្ងៃទី១២ ខែមេសា ឆ្នាំ២០១៨ វេលាម៉ោង ៨ព្រឹក មានគ្រោះថ្នាក់ចរាចរណ៍មួយករណីកើតឡើងនៅចំណុចមុខផ្ទះឈ្មោះ ជុល អឿង ភេទប្រុស នៅភូមិឆ្អឹងជំនី ឃុំកញ្ជ្រៀច ស្រុកកញ្ជ្រៀច ខេត្តព្រៃវែង លើផ្លូវក្រាលកៅស៊ូ។ មន្ត្រីនគរបាលមូលដ្ឋាន បានឲ្យដឹងថា ករណីគ្រោះថ្នាក់ចរាចរណ៍ខាងលើនេះ បានបណ្តាលអោយស្លាប់ក្មេងតូចម្នាក់ ឈ្មោះ អេង ម៉េងហ៊ួ ភេទប្រុស អាយុទើបបាន ១ខែកន្លះស្លាប់។ ទារករងគ្រោះមានឪពុកឈ្មោះ អូន អេង អាយុ ២៩ឆ្នាំ និងម្តាយឈ្មោះ ម៉េង នាត អាយុ ១៩ឆ្នាំ រស់នៅ ភូមិច្រកច្របក់ ឃុំជុប ស្រុត្បូងឃ្មុំ ខេត្តត្បូងឃ្មុំ។
នគរបាលឃុំកញ្ចៀច បានឲ្យដឹងថា មូលហេតុគ្រោះថ្នាក់ចរាណ៍បណ្តាលឲ្យទារកទើបប្រសូត្របាន ១ខែកន្លះស្លាប់ខាងលើនេះ គឺបណ្តាលមកពីម្តាយខ្វះការប្រុងប្រយ័ត្ន ទើបបណ្តាលអោយកន្សែងដែលរំកូនតូច កំពុងបីនៅនឹងដៃម្តាយ ធ្លាក់ចូលកាំម៉ូតូ ហើយត្រូវកាំម៉ូតូ និងច្រវ៉ាក់ម៉ូតូទាញចូលទាំងកូន តូច បណ្ដាលអោយស្លាប់ភ្លាមៗនៅកន្លែងកើតហេតុ។ បច្ចុប្បន្នសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕