ភ្នំពេញ-រឿង “ទូកបាត់ច្រវ៉ា” ដាក់បញ្ចាំងក្នុងស្ថានីយ៍ទូរទស្សន៍ PNN ត្រូវបានគេកត់សម្គាល់ថា ជារឿងភាគខ្មែរដែលទទួលបានការពេញនិយមច្រើនជាងគេ ក្នុងចំណោមអ្នកគាំទ្ររឿងភាគខ្មែរ ដែលខ្សែរភាពយន្តភាគមួយនេះ សម្តែងដោយ តារាសម្តែង កញ្ញា ឌុចលីដា និង លោក មុំ សុធារ៉ា។
ចំណែករឿងមួយនេះ ក៏កាន់តែកក្រើក មុនពេលរឿងនេះ បានដំណើរការរលូន គឺកើតមានរឿងចម្រូងចម្រាស់រវាងផលិតករ និង អ្នកសម្តែងកញ្ញា ឌុច លីដា ស្តីអំពីការមិនព្រមបើកប្រាក់តាមការកំណត់។
គ្មានអ្នកណាមិនដឹងថានោះទេ ថាភាពយន្តរឿង«ទូកបាត់ច្រវ៉ា» បានក្លាយជារឿងដែលផ្ទុះរឿងចម្រូងចម្រាស់ឡើងផ្អើលសង្គមសិល្បៈដោយលោកគាំ ចន្ធី ផលិតកររឿងនេះ សម្រេចចិត្តទម្លាយពីចំណុចអវិជ្ជមានគ្មានសល់របស់ឌុច លីដារហូតធ្វើអោយនាងរកចំណុចតបតមិនបាននោះផង។ បើទោះជានាងត្រូវបានផលិតករខ្លះថាមិនអីសម្រាប់ពេលវេលា ប៉ុន្តែលោកគាំ ចន្ធីធ្លាប់បានបញ្ជាក់ថា នាងធ្លាប់បោកគ្រាប់បែក មិនមកថតតាមការណាត់ហើយធ្វើអោយក្រុមការងារទាំងមូលខាតបង់ដំណើរការប្លង់ថតកន្លងមកមិនបាន។
លោកបានទាំងចោទថានាងនោះគឹជាលទ្ធផលដែលនាងទទួលថតច្រើនរឿង ហើយធ្វើខុសទាំងស្រុងពីកិច្ចសន្យានោះផង។
លោកថាភាពយន្តនេះ ត្រូវដាក់បញ្ចាំងជាយូរមកហើយប៉ុន្តែបណ្ដាលមកពីតួឯកស្រីមិនអោយពេលគ្រប់គ្រាន់ទើបឈានដល់ការពន្យារពេលហើយទើបដំណើរការនៅPNN ពេលនេះ។ យ៉ាងណាមិញលោកប្រហែលជានឹងបង្ហាញអារម្មណ៍ពេញចិត្ត បន្ទាប់ពីភាពយន្តដែលច្នៃចេញពីភាពយន្តដុំរឿង«ផ្កាដុះលើថ្ម»មួយេនេះ ត្រូវគេនិយាយច្រើនថាល្អមើលពិសេសអ្នកផ្សារ។ ស្ទើរគ្រប់ឈុតគ្រប់ឆាករបស់ភាពយន្តនេះ ត្រូវគេអះអាងថាមានចំណុចល្អឥតខ្ចោះ ច្រើនជាងរិះគន់ ដោយសម្លេងរូបភាពដែលត្រូវគេស្គាល់ថាជាភាពយន្តប្រើកាមេរ៉ាទំហំ4K អមដោយតួសម្ដែងសុទ្ធតែសង្ហារៗ និងស្អាតៗនោះ គឺភាពយន្តនេះទាក់ទាញអ្នកមើលបានច្រើន។ នៅក្នុងរឿងនេះ កញ្ញា សូ ដានិតា គឺជាតួសម្តែងជាម្តាយ ដែលនាងត្រូវសម្ដែងជាតួអង្គធំម្នាក់ ហើយ កញ្ញា ឌុច លីដាដែលមានទេពកោសល្យ សម្តែងជាកូននោះ គឺសម្ដែងជាតួអង្គ ឌឺដងល្អគ្មានគូរប្រដូច ដែលសមជាភាពយន្ដដែលដឹកនាំដោយទឹកដៃបរទេស។
ត្បិតតែភាពយន្តនេះ ផ្ទុះរឿងចម្រូងចម្រាស់តាំងពីមិនទាន់ដាក់ផ្សាយ ប៉ុន្តែនៅពេលដាក់ផ្សាយ ហាក់រុញអោយមានការចាប់អារម្មណ៍ច្រើនជាងជាពិសេសការសម្ដែងរបស់កញ្ញា ឌុច លីដា និង នាងស្វែង សុជាតា តែម្ដង។
យោងតាម លោក គាំ ចន្ធី ដែលជាអ្នកផលិតរឿង«ទូកបាត់ច្រវា» បានអះអាងថា ភាពយន្តមួយរឿងនេះគឺជារឿងដែលបានច្នៃចេញពីឆ្អឹងរឿង«ផ្កាដុះលើថ្ម» ដែលធ្លាប់ល្បីល្បាញកាលពីប៉ុន្មានឆ្នាំមុន ហើយបន្ទាប់ពីជោគជ័យរឿងនេះលោកក៏នឹងផលិតរឿងភាគចំណងជើងថា«កុលាបប៉ៃលិន និង រឿងទាយាទអាប ផងដែរ ក្នុងឆ្នាំ២០១៨នេះ ដោយមិនធ្វើច្រើនរឿងពេកទេដើម្បីសម្រាំងយកគុណភាព៕ ដោយ-គីមស្រីរ័ត្ន