តាកែវ ៖ ថ្លែងនៅក្នុងពិធីសម្ភោធដាក់អោយប្រើប្រាស់ នៃទីបញ្ជាការកងរាជអាវុធហត្ថស្រុកត្រាំកក់ ក្នុងខេត្តតាកែវ កាលពីព្រឹកថ្ងៃទី ១២ មេសា ២០១៨ នេះ លោកឧត្តមសេនីយ៏ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ បានដាក់បទបញ្ជារអោយកូនចៅរបស់ខ្លួនដែលជាមេបញ្ជាការស្រុក ក្រុងទាំង ១០ នៅក្នុងខេត្តត្រូវលុបបំបាត់ចោលឲអស់នៅកុងត្រូលជជុះ ដែលមាននៅតាមដងផ្លូវ ។ លោកមេបញ្ជាការបានបន្តថា កងអាវុធហត្ថត្រូវតែម៉ឺងម៉ាត់ និងច្បាស់លាស់ ជាពិសេសការគោរពវិន័យ និងក្រមសីលធម័ មិនត្រូវធ្វើអ្វីដែលផ្ទុយពីវិន័យរបស់អង្គភាពឡើយ ។ ជាមួយគ្នានោះដែរលោកមេបញ្ជាការ ក៏បានសំដែងនូវការកោកសរសើរចំពោះលោក ឡា អ៊ឹមរ៉ន មេបញ្ជាការកងរាអាវុធហត្ថស្រុកត្រាំកក់ ដែលបានចំណាយនៅថវិការផ្ទាល់ខ្លួន ទិញដី និងសាងសង់ទីបញ្ជាការដ្ឋាននេះដោយខ្លួនឯង ដោយមិនមានការចំណាយថិវិការរបស់រដ្ឋឡើយ ហើយលោកក៏បានសុំអោយនៅគ្រប់បណ្តាអង្គភាព ជាពិសេស ទីញ្ជាការនៅតាមបណ្តាស្រុកផ្សេងៗ គួរតែយកគម្រូតាម ។
បន្ទាប់ពីមានការណែនាំពីសំណាក់លោកមេបញ្ជាការកងរាជអាវុធហត្ថខេត្តរួច លោក ឡា អ៊ឹមរ៉ន មេបញ្ជាការកងរាជអាវុធហត្ថស្រុកត្រាំកក់ ក៏បានគោរពនិងអនុវត្តតាមបទបញ្ជារបស់លោកមេបញ្ជាការ ហើយលោកប្តេជ្ញាថា កងកំលាំងទាំងអស់នៅក្នុងទីបញ្ជាការក្នុងស្រុកត្រាំកក់នេះ និងអនុវត្តអោយបានទៅតាមគោលការណ័ណែនាំរបស់លើ គឺមិនធ្វើអ្វីដែលផ្ទុយពីនីតិវិធីច្បាប់នោះឡើយ ហើយលោកនិងបន្តក៏សាងសមិទ្អិផលនេះអោយច្រើនថែមទៀត ដើម្បីធ្វើទីបញ្ជាការកងរាជអាវុធហត្ថស្រុកត្រាំកក់ នេះមានសោភ័ណ្ឌភាពល្អប្រសើរឡើង ។
សូមបញ្ជាក់ផងដែរថា អាគារទីបញ្ជាការកងរាជអាវុធហត្ថស្រុកត្រាំកក់នោះ មានទំហំ ១៣ម x ៩ម ធ្វើពីថ្មប្រក់សង្កសី ដែលចំណាយអស់ថវិកាសរុបចំនួន ជាង ២ម៉ឺនដុលារ ៕ តាកែវ
