តារាអ៊ីនធើរណេត និងជាឌីដេរូបស្រស់ដ៏ល្បីមួយរូប ដែលមានឈ្មោះថា Kannikar “DJ Katoy” Namwicha និងជាមួយបក្ខពួកចូលក្លឹប ៥ នាក់ទៀត ត្រូវបានចាប់ខ្លួនកាលពីព្រឹកមិញនេះ ដោយចោទប្រកាន់ប្រើប្រាស់គ្រឿងញៀន ខណៈកំពុងចូលរួមផឹកស៊ីសប្បាយ នៅក្នុងក្លឹបរាត្រី Burn Club ក្នុងទីក្រុងប៉ាតាយ៉ា ។
ឌីជេស្រីវ័យ ២៤ ឆ្នាំ រូបនេះ ដែលមានអ្នកតាមដានជាង១លាននាក់ នៅលើបណ្តាញសង្គមហ្វេសប៊ុក គឺជាមនុស្សម្នាក់ក្នុងចំណោមមនុស្ស៦នាក់ ត្រូវបានធ្វើតេស្តរកឃើញប្រើប្រាស់ថ្នាំញៀន បន្ទាប់ពីប៉ូលីសបានឆ្មក់ចូលក្នុងក្លឹបរាត្រីនៅវេលាម៉ោង ៤ ទៀបភ្លឺ ថ្ងៃទី១២ មេសា នេះ ។
បើតាមសេចក្តីរាយកាណ៍ នាង Kannikar បានសារភាពនៅចំពោះមុខប៉ូលីសថា នាងបានប្រើប្រាស់ថ្នាំ ketamine មុននេះ ៣ ថ្ងៃ មកហើយ ។
ពាក់ព័ន្ធការចាប់ខ្លួននេះផងដែរ ក្នុងនោះអ្នកគ្រប់ក្លឹបឈ្មោះថា Aanapat Reung-urai អាយុ ៥០ ឆ្នាំ ក៏ត្រូវបានចោទប្រកាន់តែងតែបើកក្លឹបយប់ៗជ្រៅជ្រុល ដោយបើកគ្មានការអនុញ្ញាត និងលក់គ្រឿងស្រវឹងហួសម៉ោងកំណត់ទៀតផង ។
ទន្ទឹមនេះផងដែរ ឌីជេ Katoy ក៏បានសរសើរនៅលើហ្វេសប៊ុកថា ប៉ូលីបានបញ្ជូនគំរូទឹកនោមរបស់នាង ដើម្បីធ្វើតេស្តនៅមន្ទីរពិសោធន៍ នៅក្នុងទីក្រុងបាងកក ហើយនាងគ្រោងនឹងជួបជាមួយប៉ូលីសនៅថ្ងៃទី១១ ខែឧសភា ដើម្បីជ្រាបពីលទ្ធផលនេះ ។
នាងនៅបានសរសេរថា៖ «សូមកុំសួរនាំខ្ញុំអ្វីច្រើនសម្រាប់ពេលនេះ» ។
«សូមអរគុណ ចំពោះការយោគយល់ ហើយនាងខ្ញុំក៏សុំទោសចំពោះការធ្វើឲ្យប៉ះពាល់អារម្មណ៍មួយនេះដល់អ្នកទាំងអស់គ្នា ដែលតែងគាំទ្រ និងស្រលាញ់រូបខ្ញុំ» ៕ ចន្ទី