ខេត្តស្វាយរៀង ៖ អង្គកឋិនទានសាមគ្គីដែល ផ្តួចផ្តើមដោយលោកនាយឧត្តមសេនីយ៍ជៀងអំរដ្ឋលេខាធិការក្រសួងការពារជាតិនិងលោកស្រី ព្រមទាំងលោកឧត្តមសេនីយ៍ឯកឈនសារ៉ាណេអគ្គនាយករងភត្តុ័ភានិងហិរញ្ញវត្ថុនៃអគ្គស្នងការដ្ឋាននគរបាលជាតិនិងលោកស្រីព្រមទាំងមន្ត្រីរាជការរួមនិងបងប្អូនប្រជាពុទ្ធបរិស័ទជិតឆ្ងាយបានចូលរួមយ៉ាងអាធិកអធម្ម ហើយបានដង្ហែរអង្គកឋិនទានសាមគ្គី និងកាត់ខ្សែបូសម្ពោធស្រះទឹកនៅវត្តទួលតាកែវស្ថិតក្នុងភូមិទួលតាកែវ ឃុំពងទឹកស្រុករំដួលខេត្តស្វាយរៀង។ អង្គកឋិននេះបានប្រព្រឹត្តិទៅនៅព្រឹកថ្ងៃទី២៩ខែតុលាឆ្នាំ២០១៧។
បើតាមប្រសាសន៍របស់លោកឧត្តមសេនីយ៍ត្រី ជិនរតនាជំនួយការលោកនាយឧត្តមសេនីយ៍ ជៀងអំ បានអោយដឹងថាអង្គកឋិនទាននេះធ្វើឡើង ដើម្បីប្រមូលបច្ចយ័សំរាប់កសាងនូវសមិទ្ធផលនានានិងវេប្រគេនព្រះសង្ឃដែលគង់ចាំព្រះវស្សាអស់កាលត្រីមាសក្នុងពុទ្ធសីមាវត្តទួលតាកែវ។ លោកក៏បានបញ្ជាក់ផងដែរថា អង្គ កឋិនទានយើងអាចធ្វើបានតែក្នុងរយៈពេលតែ «២៩ថ្ងៃ» ចាប់ពីថ្ងៃ១រោច ខែអស្សុជ ដល់ថ្ងៃ១៥កើត ខែកក្តិក ហើយការដែល រៀបចំបុណ្យកឋិនទាននេះឡើង ព្រោះក្រៅពីចង់ថែរក្សាប្រពៃណីវប្បធម៌ ទំនៀមទម្លាប់ តាមបែបព្រះពុទ្ធសាសនា ឲ្យគង់វង្សក៏ធ្វើឡើងដើម្បីប្រមូលបច្ច័យជួយកសាងសមិទ្ធិផលនានា ក្នុងទីអារាមឲ្យកាន់តែរីកលូតលាស់និង
បានរួមចំណែកជួយទ្រទ្រង់ដល់ព្រះសង្ឃផងដែរ។លោកជិនរតនាបានអោយដឹងបន្ថែមទៀតថាៈ បច្ច័យដែលលោកជៀងអំនិងលោកស្រីព្រមទាំងបុត្រាបុត្រីចូលបុណ្យកឋិនទាននេះបានចំនួន២៨.៦២៧០០០លានរៀលនិងលោកឈនសារ៉ាណេនិងលោកស្រីចូលបុណ្យចំនួន២០លានរៀលនិងពុទ្ធបរិស័ទជិតឆ្ងាយសរុបបច្ច័យទាំងអស់ជាង៥០លានរៀល។លោកឈនសារ៉ាណេនិងលោកស្រីបានកសាងនៅវត្តទួលតាកែវតាំងពីឆ្នាំ២០១២ដល់ឆ្នាំ២០១៧ សរុបមានចំនួនជាង១០ម៉ឺនដុល្លារ។នៅក្នុងឱកាសនោះលោក ឈនសារ៉ាណេ បានជួយកសាងប៉ុស្តិរដ្ឋបាលឃុំពងទឹកចំនួន១០០០ពាន់ដុល្លារ។
ថ្លែងនៅក្នុងពិធីនោះដែរលោក ជៀង អំ បានសំដែងនូវការកោតសរសើរដល់បងប្អូនពុទ្ធបរិស័ទជិតឆ្ងាយដែលបានមូលមតិគ្នាធ្វើអោយអង្គកឋិនទាននេះដំណើរការទៅប្រកបជោគជ័យនិងទទួលបានមិគ្ទផលកុសល្យបុណ្យបានគ្រប់ៗគ្នា។លោកបានបញ្ជាក់ថាដោយសារកត្តាមានសុខសន្តិភាពនេះហើយទើបប្រទេសជាតិយើងមានឱកាសបានអភិវឌ្ឍន៍ប្រទេសជាតិអោយមានភាពរីកចម្រើនជាបន្តបន្ទាប់ទាំងវិស័យពុទ្ធចក្រនិងអាណាចក្រក្រោមការដឹកនាំដ៏ត្រឹមត្រូវរបស់សម្តេចតេជោហ៊ុនសែនជានាយករដ្ឋមន្ត្រីនៃ
ព្រះរាជាណាចក្រកម្ពុជា។ លោក ជៀងអំ ក៏បានសំណូមព្រះសង្ឃគ្រប់ព្រះអង្គដែលគង់នៅវត្តទួលតាកែវសូមកុំឆាប់សឹកពេកសូមចូលរួមបំរើព្រះពុទ្ធសាសនាអោយបានយូរអង្វែងសម្រាប់ពុទ្ធបរិស័ទគោរពបូជាបានធ្វើបុណ្យធ្វើទានផងដែរ៕វ៉ៃកូ
