បន្ទាយមានជ័យ ៖ យោងរបាយការណ៍របស់មូលដ្ឋានកងរាជអាវុធហត្ថស្រុកម៉ាឡៃ បានឲ្យដឹងថា នៅថ្ងៃទី១៦ ខែមេសា ឆ្នាំ២០១៨ វេលាម៉ោង ១៧ មានករណីគ្រោះថ្នាក់ចរាចរមួយបានកើតឡើង នៅតាមបណ្តោយផ្លូវជាតិលេខ៥៩ ក្នុងចន្លោះបង្គោផ្លូវលេខ ២០-២១ ស្ថិតនៅ ភូមិបន្ទាយទីមួយ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ បណ្តាលឲ្យស្លាប់ម្នាក់ និងរបួស៣នាក់។
កងរាជអាវុធហត្ថស្រុកម៉ាឡៃ បានបន្តថា ករណីនេះបង្កដោយម៉ូតូមួយគ្រឿងម៉ាក ហុងដា Dream C ១២៥ ពណ៌ខ្មៅ សេរីឆ្នាំ២០១៧ ពាក់ស្លាកលេខ ប.ជ ១P-៨៣០៦ ជិះគ្នា ៤នាក់ ក្នុងទិសដៅពីកើតទៅលិចតាមបណ្តោយផ្លូវជាតិលេខ៥៩ បណ្តាលឲ្យជួបគ្រោះថ្នាក់៖ ១ ឈ្មោះ ឈិត សុខា ភេទប្រុស អាយុ២៧ឆ្នាំ រស់នៅ ភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ជាអ្នកបើកបរ រងរបួសស្រាល ២ ឈ្មោះ ឡី តី ភេទស្រី អាយុ៣៥ឆ្នាំ រស់នៅ ភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង ស្លាប់ ៣ ឈ្មោះ នុក ភេទប្រុស អាយុ១០ឆ្នាំ ត្រូវជាកូនឡីតី រងរបួសស្រាល និង៤ ឈ្មោះ ប៊ិប ភេទស្រី អាយុ៧ឆ្នាំ ត្រូវជាកូនឡីតី រងរបួសស្រាល ។ អ្នករងរបួស ត្រូវបានបញ្ជូន ទៅព្យាបាលនៅមន្ទីរពេទ្យបង្អែកស្រុក ។
កងរាជអាវុធហត្ថស្រុកម៉ាឡៃ បានបញ្ជាក់ពីមូលហេតុថា គ្រោះថ្នាក់នេះ ដោយសារដួលម៉ូតូដោយខ្លួនឯង៕ ដោយ៖បញ្ញាស័ក្តិ
