មនុស្សជាច្រើនបានយល់ឃើញថា ការងារជាកម្មករស៊ីឈ្នួលឲ្យគេនៅក្នុងស្រុក ពុំអាចធ្វើឲ្យពួកគេមានជីវភាពរស់នៅស្រួល ឬ សល់លុយកាក់ច្រើនទេ ។ ដោយការយល់ឃើញយ៉ាងដូច្នេះហើយ ទើបធ្វើឲ្យមនុស្សមួយចំនួនពុំចង់ធ្វើការឲ្យគេនៅក្នុងស្រុកឡើយ និងសុខចិត្តលះបង់របស់ទ្រព្យ ឬ ខ្ចីលុយគេ ធ្វើយ៉ាងណាដើម្បីបានទៅធ្វើជាពលករនៅក្រៅប្រទេស ក្នុងក្តីសង្ឃឹមថានឹងទទួលបានប្រាក់ខែច្រើន ដើម្បីគ្រួសាររបស់ពួកគេមានជីវភាពធូរធារ ។
ទោះយ៉ាងណា ទន្ទឹមនឹងការបានទៅធ្វើការនៅស្រុកគេហើយ តែបែរជាមានមនុស្សមួយចំនួននៅជុំវិញពិភពលោក បែរបែកគំនិតផិតក្បត់ប្តី/ប្រពន្ធដែលកំពុងរង់ចាំនៅឯស្រុកកំណើតដ៏ឈឺចុកចាប់បំផុត ។ ជាក់ស្តែង ថ្មីៗនេះនៅបុរសខ្មែរយើងម្នាក់បានចែករំលែករូបថត និងអមជាមួយសំណេររៀបរាប់អំពីទង្វើផិតក្បត់របស់ប្រពន្ធគាត់ និងកូនស្រីតូចម្នាក់ ។ ហើយអ្វីដែលលើសពីនេះទៀតនោះ គាត់បានបង្ហើបឲ្យដឹងថា រូបគាត់កំពុងធ្លាក់ខ្លួនជំពក់បំណុលគេក្បែរម៉ឺនដុល្លារ ដោយសារជួយជ្រោមជ្រែងប្រពន្ធបានទៅធ្វើការនៅក្រៅប្រទេស ។
តាមរយៈគណនីហ្វេសប៊ុករបស់ខ្លួនដែលដាក់តាំងរូបប្រូហ្វែលកូនស្រីតូច បុរសជាប្តីបានផុសរូបថតខ្លួន និងប្រពន្ធកំពុងនៅជាមួយប្រុសថ្មី និងរៀបរាប់អំពីទុក្ខលំបាកដោយសារប្រពន្ធនេះថា៖ «ធ្លាក់ខ្លួនជំពាក់បំណល់គេក្បែរមុឺនដុល្លារដោយសារប្រពន្ធ
ដើម្បីអោយប្រពន្ធបានទៅធ្វើការនៅប្រទេសជប៉ុន បានការងារធ្វើផ្ញើរលុយមិនទាន់បាន2000$ដុល្លារផងប្រពន្ធរត់តាមប្រុសបាត់ទៀតហេតុអ្វីកម្មអីក៏អាក្រក់យ៉ាងនេះ» ។
ទន្ទឹមនេះផងដែរ អ្នកលេងអ៊ីនធើរណេតជាច្រើនដែលមានក្តីអាណិតអាសូរ បានខមិនលើកទឹកចិត្តបុរសជាប្តី ឲ្យព្យាយាមតាំងចិត្ត តស៊ូឡើង ។ ខណៈមនុស្សជាច្រើនទៀត បានបញ្ចេញនូវកំហឹងចំពោះស្ត្រីជាប្រពន្ធថា៖ «ឳស្រីអើយស្រីមិចក៏មាយាទថោកម្ល៉េសមិចរស់ខ្វះប្រុសមិនបានមែន, ស្រីអីមានប្តីមានកូនហើយ ធ្វើចរឹកថោក ម៉េះ, បើមិនគិតប្ដីគួណាស់តែគិតដល់កូនផងធី្វរឹកដូចឯងនៅក្រមំចឹង» ។ តែក៏មានអ្នករិះគន់ប្តីផងដែរថា៖ «សមមុខហើយ ប្រុសទាំមូលសុីកម្លាំញើសឈាមស្ត្រី ឲ្យប្រពន្ធទៅធ្វើការចិញ្ចើមខ្លួន» ៕
ចុះប្រិយមិត្តវិញយល់ឃើញយ៉ាងណាដែរ ?