ភ្នំពេញ ៖ យោងតាមរបាយការណ៍ពីនាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិប្រាប់ឲ្យដឹងថា ក្នុងថ្ងៃពិធីបុណ្យចូលឆ្នាំប្រពៃណីខ្មែរ រយៈពេល ៣ថ្ងៃ គិតពីថ្ងៃទី១៤-១៦ ខែមេសា ឆ្នាំ២០១៨ និងប្រៀបធៀបថ្ងៃដូចគ្នាឆ្នាំ២០១៧គ្រោះថ្នាក់ចំនួន ៥៥លើក/៧៤លើក ថយ១៩នាក់ ស្មើ ២៦%, ស្លាប់ ២៦នាក់/២៩នាក់ ថយ ៣នាក់ ស្មើ ១០%, របួសសរុប ៨១នាក់/១៣៨នាក់ ថយ៥៧នាក់ ស្មើ ៤១%, របួសធ្ងន់ ៥៨នាក់/៨១នាក់ ថយ២៣នាក់ ស្មើ ២៨% និងរបួសស្រាល២៣នាក់/៥៧នាក់ ថយ៣៤នាក់ ស្មើ៦០%។
បើតាមរបាយការណ៍ដដែល ករណីគ្រោះថ្នាក់ចរាចរនេះ មានការថយចុះបើប្រៀបធៀបនឹងឆ្នាំ២០១៧ ហើយមូលហេតុដែលនាំឲ្យមានគ្រោះថ្នាក់ គឺល្បឿន១២លើក លើ៣៣លើក , ប្រជែង១១លើក លើ៦លើក , មិនគោរពសិទ្ធិ១០លើក លើ៧លើក , បត់គ្រោះថ្នាក់៦លើក លើ៩លើក , ស្រវឹង៦លើក លើ១០លើក , មិនប្រកាន់ស្ដាំ៧លើក លើ៧លើក , កត្ដាយាន១លើក លើ២លើក និងងងុយដេក២លើក។
ដោយឡែករាជធានី-ខេត្ត ដែលមានគ្រោះថ្នាក់ និងរងគ្រោះច្រើន៖ ខេត្តកែប៣លើក ស្លាប់៣នាក់ របួស៩នាក់ , កំពង់ចាម៥លើក ស្លាប់៣នាក់ របួស៥នាក់ , កំពង់ធំ៣លើក ស្លាប់២នាក់ របួស៦នាក់ , ក្រចេះ៣លើក ស្លាប់ម្នាក់ របួស៦នាក់ , តាកែវ៦លើក ស្លាប់៤នាក់ របួស៩នាក់ , ព្រះវិហារ២លើក ស្លាប់២នាក់ របួស២នាក់ , និងបន្ទាយមានជ័យ២លើក ស្លាប់២នាក់ របួស២នាក់ ។ ចំណែកអ្នកស្លាប់នៅលើផ្លូវជាតិ លេខ១ ស្លាប់២នាក់ , លេខ២ ស្លាប់ម្នាក់ , លេខ៣ ស្លាប់៣នាក់ , លេខ៦ ស្លាប់៤នាក់ , លេខ៧ស្លាប់ម្នាក់ , លេខ៥៧ស្លាប់ម្នាក់ , លេខ៦២ ស្លាប់ម្នាក់ , ផ្លូវខេត្ត ស្លាប់៩នាក់ និងផ្លូវលំស្លាប់៤នាក់។
ចំណែកនៅថ្ងៃទី១៦ ខែមេសា ឆ្នាំ២០១៨ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើង ចំនួន១៧លើក (យប់៩លើក) បណ្តាលឲ្យមនុស្សស្លាប់ ៧នាក់ (ស្រី១ម្នាក់), រងរបួសធ្ងន់១៩នាក់ (ស្រី៥នាក់) និងរងរបួសស្រាល ៣នាក់ (ស្រីម្នាក់) ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ មានចំនួន១៧នាក់ (យប់៩នាក់)។
មូលហេតុដែលបណ្តាលឱ្យកើតមានករណីគ្រោះថ្នាក់ចរាចរណ៍ រួមមានៈ ល្មើសល្បឿន ៣លើក (ស្លាប់ម្នាក់), មិនគោរពសិទ្ធិ ៣លើក(ស្លាប់ម្នាក់), ប្រជែង ៤លើក(ស្លាប់ម្នាក់), បត់គ្រោះថ្នាក់១លើក, ស្រវឹង ៣លើក(ស្លាប់២នាក់), មិនប្រកាន់ស្តាំ២លើក(ស្លាប់ម្នាក់) ងងុយដេក១លើក(ស្លាប់ ម្នាក់)។
នៅក្នុងហេតុការណ៍គ្រោះថ្នាក់ចរាចរណ៍១៧លើកនេះ បណ្តាលឲ្យខូចខាតយានយន្ត សរុបចំនួន៣០គ្រឿង រួមមានៈ ម៉ូតូ ២១គ្រឿង, រថយន្តតូច ៨គ្រឿង, រថយន្តធំ ១គ្រឿង។
យានយន្តដែលបង្កហេតុ រួមមានៈ ម៉ូតូ ១០លើក, រថយន្តធុនតូច ចំនួន៦លើក, រថយន្តធុនធំ ១លើក។ គ្រោះថ្នាក់នៅលើដងផ្លូវ រួមមានៈ ផ្លូវជាតិ ចំនួន ៧លើក, ផ្លូវខេត្ត ៥លើក និងផ្លូវលំ ៥លើក។
រាជធានី-ខេត្ត ដែលមានគ្រោះថ្នាក់និងរងគ្រោះថ្នាក់ រួមមាន ៖ភ្នំពេញ ២លើក ស្លាប់ម្នាក់ របួស១នាក់,ខេត្តកែប១លើក ស្លាប់ ម្នាក់(ស្រី) របួស ៦នាក់(ស្រី៣នាក់), ស្វាយរៀង ២លើក ស្លាប់ ២នាក់, ស្ទឹងត្រែង១លើក ស្លាប់ម្នាក់ របួស ម្នាក់, តាកែវ ២លើក ស្លាប់ ម្នាក់ របួស ២នាក់(ស្រី១នាក់) និងខេត្តសៀមរាប ១លើក ស្លាប់ ម្នាក់៕ ដោយ ៖ បញ្ញាស័ក្តិ
