ព្រះវិហារ ៖ មនុស្ស២នាក់បានស្លាប់ និងរបួស៥នាក់ ក្នុងករណីគ្រោះថ្នាក់ចរាចររថយន្តឡិចស៊ីសបើកបុកបង្គោលភ្លើង នៅម៉ោង៦ព្រឹកថ្ងៃទី១៨ ខែមេសា ឆ្នាំ២០១៨ នៅចំណុចភូមិពាក់ស្បែក ឃុំរំដោះស្រែ ស្រុកជាំក្សាន្ត ខេត្តព្រះវិហារ។
លោកវរសេនីយ៍ទោ ស៊ី សុគន្ធរដ្ឋា នាយការិយាល័យនគរបាលចរាចរណ៍ផ្លូវគោកខេត្តព្រះវិហារ បានឱ្យដឹងថា រថយន្តម៉ាកឡិចស៊ីស RX300 ពណ៌ទឹកមាស ពាក់ស្លាកលេខ កំពង់ធំ 2A-1611 ខូចខាតធ្ងន់ធ្ងរ និងបណ្តាលឱ្យស្លាប់មនុស្សចំនួន២នាក់ (ស្រីម្នាក់) របួសធ្ងន់ចំនួន៥នាក់ (ស្រី៣នាក់)។ កម្លាំងជំនាញ បានបញ្ជូនអ្នករបួស ទៅព្យាបាល៕ ដោយ ៖ បញ្ញាស័ក្តិ