រូបភាពស្រីស្រស់ស្លៀកសិចស៊ីខុសគេខុសឯង ដែលជា «ផ្ទាំងទស្សនីយ៍ភាព» ដ៏ក្តៅភ្នែករបស់មហាជនជាអ្នកដើរលេងកំសាន្តក្នុងថ្ងៃបុណ្យចូលឆ្នាំ កំពុងត្រូវបានចែករំលែកគ្នាមើលយ៉ាងព្រោងព្រាតតែម្តង ហើយគ្រាន់តែឃើញភ្លាមៗ នោះមនុស្សជាច្រើនបានធ្វើការរិះគន់យ៉ាងចាស់ដៃថា ជាមនុស្សស្រីអស់សាច់ ឬរកលេខដាក់គ្មានជាដើម ។ ប៉ុន្តែ ប្រសិនយើងក្រឡេកមកមើលមតិអ្នកខមិនវិញ ឃើញថា អ្នកលេងអ៊ីនធើរណេតជាច្រើនបានពន្យល់ប្រាប់ថា មនុស្សស្រីក្នុងរូបភាពនេះ មិនមែនជាស្រីទេ តាមពិតទៅគាត់គឺជាភេទទី៣ប៉ុណ្ណោះ ។
ខមិនតបនឹងរូបភាពនេះផងដែរ អ្នកខ្លះមិនដឹងរឿងបានលើកឡើងថា «កោតចេះតែធ្វើរួច, ចុះបើជ្រុលជាស្លៀកចឹងហើយមិនស្រាតម៉ងទៅ» ។ ស្របពេលដែលមានអ្នកប្រាប់ថា គាត់ជាភេទទី៣ នោះមនុស្សជាច្រើនដែលបានយល់ឃើញដូច្នេះដែរ បានលេងសើចថា៖ «មើលពីក្រោយឡើងហំដល់ពេលមើលចំ ម៉ែអើយជួយផង?, មិនហ៊ានទេខ្លាចសុបិន្តអាក្រក់» ។ ប៉ុន្តែ នៅមានអ្នកយល់ស្របថា៖ «វាមិនទៅស្អីទេគ្រាន់តែស្លៀកបិុននឹង កុំអោយតែដើរស្រាតទៅបានហើយ» ។
ទោះយ៉ាងណា មិនថាស្រី ឬ ភេទទី៣នោះទេ ទង្វើនៃការស្លៀកពាក់សិចស៊ីជ្រុលហួសបែបនេះ វាពិតជាធ្វើឲ្យប៉ះពាល់ដល់តម្លៃសេចក្តីថ្លៃថ្នូរ វប្បធម៌សង្គមយ៉ាងខ្លាំង ជាពិសេសកិត្តិយសស្ត្រីៗដែលមានឥរិយាបទសុភាពរាបសា ។
យោងតាមប្រភពព័ត៌មានបានឲ្យដឹងថា លោក ពិសិដ្ឋ ប៊ី (Piseth Bi) ដែលជាអ្នកប្រមាញ់រូបទទួលការកោតសរសើរមានស្នាដៃម្នាក់ និងជាម្ចាស់រូបភាពដែលកំពុងល្បីនេះ ក្នុងចំណោមរូបស្អាតៗជាច្រើនទៀត បានខិតខំព្យាយាមប្រមាញ់យ៉ាងលំបាក ទម្រាំបានរូបភាពដ៏ល្អៗទាំងនេះ ពីក្នុងព្រឹត្តិការណ៍សង្ក្រានក្នុងក្រុងសិរីសោភណ្ឌ ដើម្បីបង្ហោះឡើងហ្វេសប៊ុក ចែកជូនដល់មិត្តភក្តិលោកទស្សនាកម្សាន្ត និងទុកធ្វើជាអនុស្សាវរីយ៍ ថ្ងៃចូលឆ្នាំ នៅបន្ទាយមានជ័យ ៕ ចន្ទី
ប្រភពរូបភាព៖ Piseth Bi