ត្បូងឃ្មុំ៖ មានករណីភ្លើងឆេះផ្ទះប្រជាពលរដ្ឋនៅភូមិទួលថ្មី ឃុំគរ ស្រុកត្បូងឃ្មុំ ខេត្តត្បូងឃ្មុំ នៅម៉ោងប្រមាណ ១១ ព្រឹកថ្ងៃទី១៨ ខែមេសា ឆ្នាំ២០១៨ អស់ចំនួន៦ខ្នង រួមទាំងទ្រព្យ សម្បត្តិស្ទើរទាំងស្រុង ខណៈមូលហេតុត្រូវបានអ្នកឃើញហេតុ ការអះអាងថាដោយទុស្សេខ្សែភ្លើងចេញពីបង្គោលតែម្តង ។
បើតាមលោកស្រី កូវ សារ៉ន មេឃុំគរ បានឲ្យដឹងថា ផ្ទះប្រជាពលរដ្ឋដែលត្រូវភ្លើងឆេះទាំង៦នោះមានម្ចាស់ ១.ឈ្មោះ លីអ៊ីសា ភេទប្រុស / ២.ឈ្មោះ សុះ. អ៊ីត ភេទប្រុស/ ៣.ឈ្មោះ ឯល ប៉ោស៊ីយ៉ះ ភេទស្រី/ ៤.ឈ្មោះសា.យ៉េប ភេទប្រុស /៥.ឈ្មោះ ម៉ាត់. អ៊ីត ភេទប្រុស និង៦.ឈ្មោះ សុះ.អ៊ំម៉ី ភេទស្រី ។
បន្ទាប់ពីទទួលព័ត៌មានភ្លាម កម្លាំងពន្លត់អគ្គិភ័យរបស់ស្នងការនគរបាលខេត្តត្បូង បានជួយអន្តរាគមន៍ តែមុនឈានដល់ ការពន្លត់បានទាំងស្រុង គឺមានផ្ទះចំនួន៦ខ្នងទៅហើយ ត្រូវបាន ភ្លើងឆេះអស់ ។ តែយ៉ាងណាហេតុការនេះមិនធ្វើប្រជាពលរដ្ឋ ណាម្នាក់រងគ្រោះថ្នាក់នោះទេ ៕ ដោយ៖បញ្ញាស័ក្តិ