បន្ទាប់ពីប្រធានរដ្ឋវៀតណាមចុះហត្ថលេខាដកហូតមុខងារនគរបាលប្រជាជនចំពោះឈ្មោះ Phan Huu Tuan ស្ថាប័នស៊ើបអង្កេតរបស់ក្រសួងនគរបាល បានធ្វើការចោទប្រកាន់ពីបទ “ចេតនាទម្លាយអាថ៌កំបាំងជាតិ” និងបានធ្វើការចាប់ខ្លួនបម្រើដល់ការស៊ើបអង្កេត ។
ប្រភពពីក្រសួងនគរបាលវៀតណាមឲ្យដឹងថា លោក Phan Huu Tuan អាយុ ៦៣ឆ្នាំ បានចូលនិវត្តន៍ហើយមុននោះជាឧត្តមសេនីយ៍ទោអគ្គនាយករង នៃអគ្គនាយកដ្ឋានចារកម្ម ក្រសួងនគរបាល ។ ប្រភពដដែលឲ្យដឹងថា ស្ថាប័នស៊ើបអង្កេត នៅបានចោទប្រកាន់ និងឃាត់ខ្លួនជាបណ្តោះអាសន្ន ចំពោះអតីតប្រធានគណៈកម្មាធិការប្រជាជនទីក្រុងដាណាំង ក្រោមបទចោទប្រកាន់ទាក់ទងនឹងការទទួលខុសត្រូវចំពោះការបាត់បង់ទ្រព្យសម្បត្តិរដ្ឋ។
គួរកត់សម្គាល់ថា មួយរយៈពេលកន្លងមកនេះ ប្រទេសវៀតណាមបាននឹងកំពុងធ្វើការបោសសំអាតផ្ទៃក្នុងយ៉ាងខ្លាំងក្លា ពិសេសគឺបន្ទាប់ពីការចាប់ខ្លួន និងកាត់ទោសអតីតសមាជិកការិយាល័យនយោបាយ និងលេខាបក្សក្រុងហូជីមិញ dinh la thang ៕ សូយន