ខេត្តស្វាយរៀង ៖ បុរសម្នាក់បានបង់ត្រីនៅក្នុងទន្លេវ៉ៃគោស្រាប់តែជាប់របស់អីធ្ងន់ៗស្មានថាជាត្រីធំមានអីដល់ពេលលើកឡើងលើគោកគឺជាកាំភ្លើងមិនដឹងយកមកបោះចោលតាំងពីកាលណានោះទេច្រេះអស់ក៏រាយការណ៍មកសមត្ថកិច្ចអោយចុះមកពិនិត្យមើលនិងយកទៅរក្សាទុក។ករណីភ្ញាក់ផ្អើលនេះបានកើតឡើងកាលពី១៨:៣០នាទីល្ងាចថ្ងៃទី ១៨ខែមេសាឆ្នាំ២០១៨ នៅក្នុងទន្លេវ៉ៃគោស្ថិតនៅភូមិ ក្បាលស្ពាន សង្កាត់ ពោធិ៍តាហោ ក្រុង ស្វាយរៀង ខេត្តស្វាយរៀង។
បើតាមសមត្ថកិច្ចបានឲ្យដឹងថា៖ដោយមានប្រជាពលរដ្ឋម្នាក់ ឈ្មោះ ខាំ រិទ្ធី ភេទ ប្រុស អាយុ ៣៥ មុខរបរ កសិករ រស់នៅ ភូមិ ថ្នល់កែង សង្កាត់ ពោធិ៍តាហោ ក្រុង ស្វាយរៀង ខេត្ត ស្វាយរៀង បានដើរបង់សំណាញ់ក្នុងទន្លេវ៉ៃគោស្រាប់តែមិនដឹងជាប់អីនោះទេគឺធ្ងន់ៗ។
ប្រភពបានបន្តទៀតថា ៖ នៅពេលលើកសំណាញ់ឡើងមកមើលដឹងអីតាមការពិតគឺអាវុធមួយដើម ម៉ាក AK 47ស្វាយបត់ គ្មានបង់និងឡើងច្រេះចាប់ទៅហើយមិនដឹងគេបោះចោលតាំងពីពេលណានោះទេ។ប្រភពខាងលើបានឲ្យដឹងទៀតថា៖ក្រោយពីបង់សំណាញ់បានអាវុធក៏បានរាយការណ៍និងប្រគល់កាំភ្លើងឲ្យសមត្ថកិច្ចតែម្តងទៅ។ហើយបច្ចុប្បន្នអាវុធខាងលើត្រូវបានប្រជាពលរដ្ឋប្រគល់អោយកម្លាំងសណ្ដាប់ធ្នាប់ក្រុងស្វាយរៀងយកមករក្សាទុក៕ វ៉ៃកូ