ក្រសួងការពារជាតិរុស្ស៊ីឲ្យដឹងថា នាយអគ្គសេនាធិការកងកម្លាំងប្រដាប់អាវុធរុស្ស៊ី Valery Gerasimov និងមេបញ្ជាការកំពូលកងកម្លាំងអង្គការសន្ធិសញ្ញាអាត្លង់ទិកខាងជើង (NATO) Curtis Scaparrottiបានជួបប្រជុំគ្នានាថ្ងៃទី ១៦ ខែមេសា នៅរដ្ឋធានី Baku ប្រទេស Axerbaijan បានបញ្ជាក់ថា ពួកគេត្រៀមជាស្រេចដើម្បីបន្តកិច្ចសន្ទនាប្តូរយោបល់ជុំវិញបញ្ហាដែលភាគីសងខាងចាប់អារម្មណ៍ ។
នៅក្នុងជំនួបនេះ ភាគីទាំងសងខាងបានពិភាក្សាសកម្មភាពយោធារបស់ NATO និងរុស្ស៊ី នៅតំបន់អឺរ៉ុប បំណងលើកកម្ពស់ជំនឿទុកចិត្ត និងរាំងស្កាត់ការប៉ះទង្គិច ។
នេះគឺជាជំនួបផ្ទាល់លើកដំបូងគិតចាប់ពីឆ្នាំ ២០១៣ ខណៈពេលដែលអាមេរិកបានបង្កកខ្សែរយៈទាក់ទងយោធាជាមួយរុស្ស៊ីក្រោយពេលព្រឹត្តិការណ៍ទាំងឡាយបានកើតឡើងនៅអ៊ុយក្រែន ក្នុងនោះមានទង្វើកាត់យកជ្រោយ Crimea ពីសំណាក់រុស្ស៊ី ៕
