កំពង់ឆ្នាំ៖ កម្លាំងមូលដ្ឋានកងរាជអាវុធហត្ថស្រុកកំពង់ត្រឡាចដឹកនាំដោយលោកវរសេនីយ៍ត្រី រស់ វុទ្ធា មេបញ្ជាការមូលដ្ឋានកងរាជអាវុធហត្ថស្រុកបានឃាត់ខ្លួនជនសង្ស័យចំនួន ២នាក់ពាក់ព័ន្ធករណីហឹង្សាដោយចេតនា វាយគូទំនាស់ស្លាប់ពេលរាំវង់ក្នុងកម្មវិធីបុណ្យចូលឆ្នាំថ្មី នៅវេលាម៉ោង ៨និង ២០នាទី ថ្ងៃព្រហស្បតិ៍ ថ្ងៃទី១៩ ខែមេសា ឆ្នាំ២០១៨ ។
ជនសង្ស័យ ១-ឈ្មោះ អេង គង្គា ភេទប្រុស អាយុ ២៥ឆ្នាំ ២-ឈ្មោះ ស្រី ស្រស់ ភេទប្រុស អាយុ ២៤ឆ្នាំ អ្នកទាំងពីររស់នៅភូមិស្នាយ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង នៅចំណុចក្រោមផ្ទះឈ្មោះ ឈិន អន ភេទប្រុស នៅភូមិឃុំខាងលើ និងដកហូតម៉ូតូជនសង្ស័យ ១គ្រឿងម៉ាកMSX ពណ៌ស ស្លាកលេខ ក.ឆ 1F.៦០១៦ នៅចំណុចក្រោមផ្ទះឈ្មោះ ស៊ុំ ញ៉ ភេទប្រុស (ឪពុកជនសង្ស័យ) ស្ថិតនៅភូមិឃុំខាងលើពីបទហឹង្សាដោយចេតនាបណ្តាលឱ្យរងរបួសធ្ងន់កាលពីវេលាម៉ោងប្រហែលជា ១៦ នឹង ២០នាទីនៅថ្ងៃទី១៥ ខែមេសា ឆ្នាំ២០១៨ នៅចំណុចវាលស្រែក្បែផ្ទះជនរងគ្រោះស្ថិតនៅក្នុងភូមិសំព័រ ឃុំតាជេសជនរងគ្រោះឈ្មោះ ឈឺន នីន ភេទប្រុស អាយុ២២ឆ្នាំ រស់នៅភូមិរស់នៅភូមិឃុំកើតហេតុខាងលើ បានស្លាប់នៅមន្ទីរពេទ្យកាលថ្ងៃទី១៩ ខែមេសា ឆ្នាំ២០១៨ មូលហេតុទំនាស់គ្នានៅក្នុងពេលលេងរាំវង់ក្នុងកម្មវិធីបុណ្យចូលឆ្នាំថ្មីនៅចំណុចវត្តសំព័រ ឃុំតាជេស។
បច្ចុប្បន្នជនសង្ស័យ រួមនិងវត្ថុតាង ត្រូវបានមន្ត្រីជំនាញកសាងសំណុំរឿង បញ្ជូនទៅសាលាដំបូងខេត្តដើម្បីបន្តតាមនីតិវិធី៕ ដោយ ៖បញ្ញាស័ក្តិ