ភ្នំពេញៈ កម្មការជាច្រើននាក់បានរងរបួស ដោយសារតែផ្ទុះឡកម្ដៅនៅក្នុងរោងចក្រយីហោ គ័ងស៊ីន ផលិតសរសៃអំបោះ កាលពីវេលាម៉ោងជាង៩ព្រឹក ថ្ងៃទី៣០ ខែតុលា ឆ្នាំ២០១៧នេះ។ រោងចក្រយីហោ គ័ងស៊ីន ស្ថិតនៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ។
សេចក្តីរាយការណ៍បានឲ្យដឹងថា ការផ្ទុះឡកម្ដៅនេះ ដោយសារតែវាឡើងកំដៅខ្លាំង បណ្តាលឲ្យផ្ទុះបាក់ស្រុតអគាររោងចក្រ និងផ្ទុះកញ្ចក់ជាច្រើនផ្ទាំង បានបណ្តាលឲ្យត្រូវកម្មករនៅក្នុងរោងចក្រ។ ប៉ុន្តែមិនមានកម្មករណាម្នាក់បានស្លាប់នោះទេ។
សមត្ថកិច្ចបានឲ្យដឹងថា ករណីផ្ទុះឡកំដៅ បណ្តាលអោយរងរបួសមនុស្ស២នាក់ និងបានខ្ទាតឡកំដៅទៅត្រូវអាគារក្រុមហ៊ុន តាំង ផេងប៉ោ និងរោងចក្រ ហ្វង ស៊ីន បណ្តាលអោយបាក់ជញ្ជាំង និងបែកកញ្ចក់ ហើយបានបណ្តាលអោយរងរបួសកម្មករ ចំនួន១៧នាក់។ សរុបមនុស្សរបួសក្នុងហេតុការណ៍ខាងលើមានចំនួន១៩នាក់ ក្នុងនោះរបួសធ្ងន់៤នាក់៕ ដោយៈ មុនីរាជ
