តាម KCNA ចុះផ្សាយថ្ងៃទី ២១ ខែមេសានេះ ឲ្យដឹងថា ក្នុងសុន្ទរកថា នាសម័យប្រជុំរបស់បក្សពលករកូរ៉េមេដឹកនាំគីម ជុងអ៊ុន បានប្រកាសថា ការបំពាក់អាវុធនុយក្លេអ៊ែរ ត្រូវបានអនុវត្ត ហេតុនេះក្រុងព្យុងយ៉ាងពុំចាំបាច់ដំណើរការបន្ថែមការសាកល្បងនុយក្លេអ៊ែរ ឬបាញ់បង្ហោះកាំជ្រួចរយៈចម្ងាយមធ្យម ឆ្ងាយក៏ដូចជាកាំជ្រួចអន្តរទ្វីប។
មេដឹកនាំកូរ៉េខាងជើងគីម ជុងអ៊ុន
តាមទីភ្នាក់ងារព័ត៌មាន TASS របស់រុស្ស៊ី ក៏បានបញ្ជាក់ថា កូរ៉េខាងជើងនឹងផ្អាកការសាកល្បងនុយក្លេអ៊ែរ និងបាញ់បង្ហោះកាំជ្រួចអន្តរទ្វីប។
សេចក្តីសម្រេចចិត្តនេះត្រូវបានអនុម័តក្នុងអង្គប្រជុំរបស់គណៈកម្មាធិការមជ្ឈិមបក្សពលករកូរ៉េ នៅថ្ងៃទី ២០ ខែមេសា ម្សិលមិញនេះ។
TASS ក៏បានឲ្យដឹងបន្ថែមថា លោកគីម ជុងអ៊ុន បានប្រកាស និងពុំផ្ទេរប្រគល់អាវុធនុយក្លេអ៊ែរ និងបច្ចេកវិទ្យានុយក្លេអ៊ែរឲ្យទៅប្រទេសណាមួយផ្សេងឡើយ ហើយក៏ពុំប្រើប្រាស់អាវុធនុយក្លេអ៊ែរនេះ ប្រសិនបើពុំមានទង្វើញុះញង់គំរាមកំហែងនុយក្លេអ៊ែរប្រឆាំងនឹងកូរ៉េខាងជើង។
មេដឹកនាំកូរ៉េខាងជើងគីម ជុងអ៊ុន កំពុងត្រួតពិនិត្យមើលការត្រៀមបម្រុងបាញ់បង្ហោះកាំជ្រួចអន្តរទ្វីប Hwasong-12 ។
មេដឹកនាំគីម ជុងអ៊ុន នៅបានអះអាងថា កូរ៉េខាងជើងនឹងប្រមូលផ្តុំប្រឹងប្រែងស្ថាបនាខឿនសេដ្ឋកិច្ចសង្គមនិយមរឹងមាំ កែនប្រមូល បណ្តាប្រភពធនធាន ដើម្បីលើកកម្ពស់ជីវភាពប្រជាជនឲ្យបានលឿន។
គួររំលឹកថា បរិបទខាងលើនេះបានកើតឡើងប៉ុន្មានថ្ងៃមុនជំនួបកំពូលរវាងកូរ៉េទាំងពីរ ដែលតាមគម្រោងនឹងប្រព្រឹត្តទៅនៅថ្ងៃទី ២៧ មេសា ខាងមុខនេះ ៕ សូយន
