ភ្នំពេញ ៖ កម្លាំងនគរបាលបានបង្ក្រាបទីតាំងល្បែងស៊ីសងហ្គេមបាញ់ត្រី និងឃាត់ខ្លួនមនុស្សជិត១០០នាក់ រួមជាមួយសម្ភារៈជាច្រើន។ នៅរសៀលថ្ងៃទី២០ ខែមេសា ឆ្នាំ២០១៨ នៅតាមបណ្តោយផ្លូវលេខ១៧២ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។
ប្រតិបត្តិការបង្ក្រាបល្បែងស៊ីសងខាងលើនេះដើកនាំដោយលោកវរសេនីយ៍ឯក ប៊ុន សត្យា នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ។ លោកនាយការិយាល័យបានបន្តថា ក្រោមការដឹកនាំបញ្ជាផ្ទាល់របស់លោក នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ និងលោក ឃួង ស្រេង អភិបាលរាជធានីភ្នំពេញ កម្លាំងព្រហ្មទណ្ឌកម្រិតស្រាលសហកាជាមួយកម្លាំងមូលដ្ឋានបង្ក្រាបទីតាំងហ្គាមបាញ់ខាងលើនិងឃាត់ខ្លួនមនុស្សជាច្រើននាក់និងទូរហ្គេមជាច្រើនគ្រឿង។ កម្លាំងជំនាញបានដឹកជញ្ជូនវត្ថុតាងនិងមនុស្សយកទៅស្នងការដ្ឋាននគរបាលរាជធានីភ្នំពេញដើម្បីចាត់ការតាមននីតិវិធី៕ ដោយ ៖ បញ្ញាស័ក្តិ
