ក្នុងកិច្ចសម្ភាសន៍ជាមួយទីភ្នាក់ងារព័ត៌មាន RIA Novosti របស់រដ្ឋរុស្ស៊ី លោករដ្ឋមន្ត្រីការបរទេសរុស្ស៊ី Lavrov បាននិយាយថា ប្រធានាធិបតី Putin បានត្រៀមខ្លួនហើយដើម្បីចូលរួមជំនួប តាមការអញ្ជើញរបស់ប្រធានាធិបតីសហរដ្ឋអាមេរិក ដូណាល់ ត្រាំ ដើម្បីជួបគ្នានៅក្នុងរដ្ឋធានីវ៉ាស៊ីនតោន។
ប្រធានាធិបតីសហរដ្ឋអាមេរិក Donald Trumpនិងប្រធានាធិបតីរុស្ស៊ី Vladimir Putin
លោករដ្ឋមន្ត្រីការបរទេសរុស្ស៊ី Lavrov បាននិយាយថា៖ «យើងមានភស្តុតាងថា ប្រធានាធិបតីសហរដ្ឋអាមេរិក នៅក្នុងការនិយាយតាមទូរស័ព្ទដែលត្រូវបានគេដឹងឮ មិនមានការសម្ងាត់ទេថា មានការអញ្ជើញបែបនេះ ហើយបាននិយាយថា លោកនឹងសប្បាយរីករាយដើម្បីជួបលោក Putinនៅសេតវិមាន»។
លោករដ្ឋមន្ត្រីការបរទេសរុស្ស៊ី Lavrov បាននិយាយបន្ថែមទៀតថា ប្រធានាធិបតីTrump បានបង្វែប្រធានបទនៃការអញ្ជើញនោះ៣-៤ដងនៅក្នុងការនិយាយទូរស័ព្ទជាមួយប្រធានាធិបតី Putin ហើយបានប្រាប់លោក Putinថា លោកសប្បាយរីករាយដើម្បីធ្វើដំណើរទស្សនកិច្ចទៅវិញទៅមកទៅកាន់ប្រទេសរុស្ស៊ី។
ប្រធានាធិបតី Trumpបាននិយាយទូរស័ព្ទជាមួយប្រធានាធិបតីរុស្ស៊ី Putin កាលពីថ្ងៃទី២០ ខែមីនា ដើម្បីស្វាគមន៍លោកដែលបានទទួលជ័យជម្នះនៅក្នុងការបោះ ឆ្នោតប្រធានាធិបតីរុស្ស៊ីកាលពី២ថ្ងៃមុន។
សេតវិមាន និង វិមានក្រែមឡាំងបានប្រាប់ឲ្យដឹងថា នៅពេលនោះប្រធានាធិបតី ទាំង២បានពិភាក្សាពីលទ្ធភាពនៃជំនួបទល់មុខគ្នា៕ សូយន