អង្គការសុខភាពពិភពលោកបានលើកឡើងថា ខ្លួនមិនទាន់អាចបញ្ជាក់នូវព័ត៌មានច្បាស់ថា មេរោគបំប្លែងថ្មីប្រភេទអូមីក្រុងអាចធ្វើការចម្លង បើធៀបទៅនឹងមេរោគបំប្លែងប្រភេទថ្មីដទៃដែលជាក្រុមរបស់ SARS-CoV-2 និងថាតើវាអាចបង្កឱ្យអ្នកជំងឺរងផលប៉ះពាល់ធ្ងន់ធ្ងរកម្រិតណានៅឡើយទេ។
ក្នុងនោះ អង្គការសុខាភិបាលពិភពលោកបានបញ្ជាក់ទៀតថា ទិន្នន័យបឋមនៅពេលនេះគឺបញ្ជាក់ថាអត្រាអ្នកសម្រាកព្យាបាលនៅក្នុងប្រទេសអាហ្រ្វិកខាងត្បូងកំពុងតែកើនឡើង។ ប៉ុន្តែនេះអាចជាចំនួនកើនឡើងនៃ អ្នកដែលបានឆ្លងករណីមេរោគកូវីដ១៩ទាំងអស់។ បន្ថែមពីនេះ សមាជិកនៃទីភ្នាក់ងារសុខាភិបាលរបស់អង្គការសុខភាពពិភពលោកបាន ឈានដល់ការឯកភាពគ្នាលើសន្ធិសញ្ញាជំងឺរាតត្បាតនាពេលខាងមុខ ខណៈដែលចក្រភពអង់គ្លេសនិយាយថា ខ្លួននឹងហៅកិច្ចប្រជុំរបស់ G7 ជាបន្ទាន់អំពីការប្រែប្រួលនៃមេរោគបំប្លែងថ្មីនេះ។
ជាក់ស្តែង ប្រមុខការទូតមួយរូបបានបញ្ជាក់ថា រដ្ឋជាសមាជិកនៃអង្គការសុខភាពពិភពលោកបានឈានដល់ការឯកភាពជាបណ្តោះអាសន្នសិន ដើម្បីពិភាក្សាកិច្ចព្រមព្រៀងនាពេលអនាគត ទៅលើការការការពារមេរោគកូវីដ១៩ និងការបិទទគម្លាតរវាងភាគីដែលដឹកនាំដោយសភាពអឺរ៉ុប និងសហរដ្ឋអាមេរិក។ ប្រមុខការទូតបានលើកឡើងថា សេចក្តីព្រាងដែលបានដាក់ចេញនៅក្នុងការចរចានៅចុងសប្តាហ៍នេះ នឹងត្រូវបានបង្ហាញសម្រាប់ការអនុម័តទៅកាន់រដ្ឋមន្ត្រីសុខាភិបាលនៅឯសន្និបាតពិសេសរយៈពេលបីថ្ងៃរបស់ WHO។
ការស្វែងរកដំណោះស្រាយរបស់អ្នកការទូត ចំពេលដែលក្តីកង្វល់របស់អន្តរជាតិកំពុងតែកើនឡើងជុំវិញបញ្ហាមេរោគបំប្លែងថ្មីប្រភេទអូមីក្រុង៕
