Jerrah ជាក្មេងប្រុស Australian ម្នាក់ដែលមានចំណូលចិត្តចិញ្ចឹមសត្វ ហើយគេក៏ជាក្មេងម្នាក់ដែលមានចិត្តសណ្ដោសប្រណីយ៉ាងខ្ពស់ចំពោះសត្វទាំងឡាយ។ មានថ្ងៃមួយ Jerrah បានរត់មកដល់ផ្ទះដោយកិរិយាអររខិបរខុប ដោយនិយាយទៅកាន់ឪពុកម្ដាយគេថា “ខ្ញុំទើបតែបានកាន់ ក្អែបដោយផ្ទាល់ដៃ តើចង់ឃើញខ្ញុំចាប់វាទេ?!” មើលទៅតាមអារម្មណ៍ ជឿជាក់និងមោទនៈរបស់កូនចំពោះធម្មជាតិនិងសត្វទាំងឡាយ ឪពុកម្ដាយគេក៏បាននាំគ្នា ថតសកម្មភាពរបស់កូនដោយភាពរំភើបចំពោះសមត្ថភាពដ៏ពិសេសរបស់កូនពួកគេ។
មិនតែប៉ុណ្ណោះ Jerrah ថែមទាំងបានពន្យល់ក្នុង វីដេអូ អំពីវិធីចាប់យ៉ាងដូចម្ដេច ដើម្បីអោយក្អែបដ៏ធំ១នេះមិនកាចសាហាវ ហើយខាំគេ ដោយដំបូងត្រូវយកមែកឈើទៅសង្កត់លើកន្លាក់កវាថើរៗ រួចចាំអោយវាស្ងប់អារម្មណ៍សិន ទើបចាប់វាឡើងមកថ្នមៗ Jerrah បានទាំងបង្ហាញទៅប្អូនៗរបស់គេថែមទៀតផង។
សូមបញ្ជាក់ថា នេះគឺជាប្រភេទក្អែបដែលមានពិសទោះជាពិសវាមិនអាចបណ្ដាលអោយមនុស្សស្លាប់បានតែវាធ្វើអោយមានការចុកចាប់ធ្ងន់ធ្ងរ ហើយវាក៏ជាអម្បូរក្អែបដែលធំជាងគេនៅ Australia ដោយវាអាចរីកធំធាត់ដល់ទៅ ១៦សង់ទីម៉ែត្រ តាមដែលគេធ្លាប់ឃើញ តែ១ក្បាលនៅក្នុង វីឌីអូ នេះមានប្រវែងដល់ទៅ ១៧សង់ទីម៉ែត្រឯណោះ៕ កិ្ខណី