កំពង់ស្ពឺ ៖ កម្លាំងនគរបាលព្រហ្មទណ្ឌកម្រិតស្រាលខេត្តកំពង់ស្ពឺ បានចុះបង្ក្រាបល្បែងស៊ីសងកន្ទុយលេខ នៅថ្ងៃសុក្រ ទី២០ ខែមេសា ឆ្នាំ២០១៨ ចំណុចភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច ឃាត់ខ្លួនមេឆ្នោត១នាក់។
នគរបាលព្រហ្មទណ្ឌកម្រិតស្រាលខេត្តកំពង់ស្ពឺ បានឲ្យដឹងថា មេឆ្នោតរូបនោះ ឈ្មោះ សំ សុធា ភេទប្រុស អាយុ ៣២ឆ្នាំ នៅភូមិទី៣ ឃុំត្រែងត្រយឹង ដកហូតសម្ភារៈ វត្ថុតាងរួមមាន លុយខ្មែរ ១.០០៣.៥០០រៀល ទូរស័ព្ទសាំស៊ុងភ្ជាប់ប្រព័ន្ធLine ១គ្រឿង និង ណូគា ពណ៌លឿង ១គ្រឿង ម៉ូតូ១គ្រឿងម៉ាកHonda C.125ពណ៌ក្រហម ស្លាកលេខភ.ព១ ឃ ៣៣១៨ក្រដាសសម្រាប់កត់លេខឆ្នោតនិងសម្ភារៈមួយចំនួន។
តាមការបញ្ជាក់ឲ្យដឹងពីសមត្ថកិច្ចថា មុខសញ្ញាមេឆ្នោតខាងលើ គឺជំនាញបានធ្វើការតាមដាន ជាយូរមកហើយ ប៉ុន្ដែដោយសារបច្ចុប្បន្នឆ្នោតគេចាក់-ទទួល តាមប្រព័ន្ធទូរស័ព្ទ មិនដូចពីមុនទេ ដើរទៅចាក់កត់រួចឲ្យក្រដាសមកវិញករណីខាងលើជំនាញ បានកសាងសំណុំរឿង បញ្ជូនទៅស្ថាប័នអយ្យការអមសាលាដំបូងខេត្ដកំពង់ស្ពឺ ចាត់ការតាមនីតិវិធី៕ ដោយ៖បញ្ញាស័ក្តិ
