កំពង់ស្ពឺ ៖ គ្រោះថ្នាក់ចរាចរ នៅពេលរថយន្តស៊េរីទំនើប ម៉ាក MAZDA ឈប់ស្ដុបនៅលើផ្លូវជាតិលេខ៤ ក៏មានរថយន្តទំនើប ម៉ាក Audi បុកពីក្រោយ បណ្ដាលឲ្យរថយន្ដខូចខាតទាំងពីរគ្រឿង តែគ្មានមនុស្សរងរបួស នៅថ្ងៃទី២២ ខែមេសា ឆ្នាំ២០១៨ វេលាម៉ោង១៤រសៀល នៅផ្លូវជាតិលេខ៤ ចន្លៅគីឡូម៉ែត្រ 46-47 ចំណុចភ្លើងស្តុប។
នគរបាលខេត្តកំពង់ស្ពឺ បានឲ្យដឹងថា មានរថយន្តម៉ាកអូឌី ណណ៌ស ស្លាកលេខ ភ្នំពេញ 2Y-7007 បើកបរដោយឈ្មោះ ទី គៀ ប្រុស អាយុ 37ឆ្នាំ ទីលំនៅភូមិពាណិជ្ជកម្ម សង្កាត់រការធំ ក្រុងច្បារមន បើកបរពីលិចទៅកើត លុះមកដល់ចំណុចភ្លើងស្ដុប ផ្លូវបំបែក (មន្ទីរសាធារណការខេត្តកំពង់ស្ពឺ ) បានបុករថយន្តម៉ាក ម៉ាស់ស្ដា ពណ៌ស លេខភ្នំពេញ 2AW-1233 ពីក្រោយពេញទំហឹង ដែលបើកដោយឈ្មោះ ឯម ប៊ុនធឿន ភេទប្រុស អាយុ 27ឆ្នាំ រស់នៅរាជធានីភ្នំពេញ ក្នុងពេលកំពុងឈប់ភ្លើងស្ដុប បណ្ដាលរងការខូចខាតផ្នែកខាងក្រោយធ្ងន់ ប៉ុន្តែមិនរងគ្រោះថ្នាក់ដល់មនុស្សទេ។
តាមការបញ្ជាក់របស់មន្ត្រីនគរបាលជំនាញថា រថយន្ដ Audi បើកក្នុងល្បឿនលឿន ហើយមិនអាចគ្រប់គ្រង ស្ថានការណ៍បាន ទើបបណ្ដាលឲ្យគ្រោះថ្នាក់។
ចំពោះវត្ថុតាង មធ្យោយរថយន្ដ ត្រូវបានស្ទួចយកមករក្សាទុក ជាបណ្ដោះអាសន្ន នៅការិយាល័យចរាចរណ៍ខេត្ដកំពង់ស្ពឺ រង់ចាំចាត់ការតាមនីតិវិធី៕ ដោយ៖បញ្ញាស័ក្តិ