តាម The Sun នោះបណ្តាអ្នកជំនាញការចារកម្មអង់គ្លេសបានសន្និដ្ឋានយ៉ាងប្រាកដពីឧក្រិដ្ឋជនដៃដល់ដែលបំពុលអតីតចារបុរសរុស្ស៊ី Sergei Skripal និងកូនស្រី ។
រីឯ Telegraph វិញ នៅថ្ងៃទី ២១ ខែមេសា បានចុះផ្សាយថា ក្រុង London មាននូវជំហានលោតផ្លោះមួយយ៉ាងធំធេងក្នុងការកំណត់មុខសញ្ញាទាក់ទិនដល់ករណីប៉ងធ្វើឃាតឪពុក និងកូនអតីតចារបុរសរុស្ស៊ី ដោយប្រើសារធាតុបំពុលសរសៃប្រសាទ ។
ឪពុកនឹងកូនចារបុរសរុស្ស៊ី Sergei Skripal
លទ្ធផលនេះទទួលបានក្រោយការត្រួតពិនិត្យឡើងវិញនូវបញ្ជីអ្នកដំណើរ ដែលហោះហើរមកកាន់អង់គ្លេស និងចាកចេញទៅទន្ទឹមនឹងការពិនិត្យរូបភាពក្នុងកាមេរ៉ាសន្តិសុខផង ។
គេគ្រាន់តែឲ្យដឹងថា ឧក្រិដ្ឋជនបានចាកចេញ ហើយលាក់ខ្លួននៅប្រទេសរុស្ស៊ី ។
គួររំលឹកថា បញ្ហានេះបានបង្កឲ្យមានសង្គ្រាមបណ្តេញអ្នកការទូតទៅវិញទៅមករវាងអាមេរិក អង់គ្លេស និងសម្ព័ន្ធមិត្តជាមួយរុស្ស៊ី ៕
