បុរសអ្នកដឹកជញ្ជូនម្នាក់ ត្រូវបានកាមេរ៉ាចាប់បានព្យាយាមបន្លំលួចយកទូរស័ព្ទ iPhone 7 ពីស្ត្រីម្ចាស់ហាង ដែលនាងបានដាក់វានៅលើទូទុកដាក់អាហារសម្រាប់អតិថជន និងចាកចេញដោយលាក់វានៅក្រោមប្រអប់នំភីហ្សា ។
ហេតុការណ៍នេះបានកើតឡើងនៅហាងអាហារ Yellow Cab Paizz ដែលមានទីតាំងស្ថិតនៅ CityLink Mall កាលពីថ្ងទី១៤ ខែមេសា វេលាម៉ោង ៩ យប់ ។
Tiara ដែលបានបញ្ចេញវីដេអូពីកាមេរ៉ាឃ្លាំមើល បង្ហាញនូវអ្វីដែលបានកើតឡើងនេះ គឺជាម្ចាស់ហាងខាងលើ និងបាននិយាយថា បុរសម្នាក់ដែលត្រូវបានចោទប្រកាន់ បានកំពុងរង់ចាំនាំយកអាហារកូម្ម៉ង់ពីហាងរបស់នាង ។
នាងបានផ្តល់បទសម្ភាសន៍ដល់អ្នកសារព័ត៌មានតាមទូរស័ព្ទថា៖ «បុរសនោះពាក់អាវយឺតពណ៌ខៀវ ដើរចូលក្នុងភោជនីយដ្ឋានរបស់នាង ដើម្បីនាំយកអាហារកូម្ម៉ង់សម្រាប់អតិថិជន ប៉ុន្តែ គាត់នាំយក «ដោយ» ទាំងទូរស័ព្ទ iPhone 7 របស់ខ្ញុំ» ។
«គាត់ពិតជាបានចូលមក២ដង ។ លើកទី១ គាត់នាំយកអាហារកូម្ម៉ង់មួយ និងដាក់ទូរស័ព្ទរបស់គាត់នៅលើ iPhone របស់ខ្ញុំ ។ គាត់បានបន្ទាប់មក បានចាកចេញធម្មតាជាមួយទូរស័ព្ទរបស់គាត់ និងអាហារកូម្ម៉ង់» ។
«បុរសដដែលរូបនេះបានវិលត្រឡប់មកវិញ ៣០ នាទី ក្រោយមក និងស្នើសុំខ្ញុំប្តូរប្រអប់ក្រដាសអាហារ ដាក់ជំនួសថង់ប្លាស្ទីកវិញ ដែលអ្នកទាំងអស់គ្នាបានឃើញខ្ញុំធ្វើនៅក្នុងវីដេអូ» ។
«ខ្ញុំមានអារម្មណ៍ថា គាត់បានកត់សម្គាល់ឃើញទូរស័ព្ទរបស់ខ្ញុំរួចទៅហើយ ដែលខ្ញុំបានដាក់នៅលើរៀបរយអាហារគ្រប់មុខនៅលើកដំបូង ហេតុដូច្នេះហើយ គាត់ក៏បានចូលមកវិញជាលើកទី២» ។
«គាត់បន្ទាប់មកបានចាក និង១នាទីក្រោយមក នៅម៉ោងប្រហែល ៩ និង ១០ នាទីយប់ ខ្ញុំបានយល់ឃើញថា ទូរស័ព្ទរបស់ខ្ញុំកំពុងបាត់» ។
«ភ្លាមៗនោះ ខ្ញុំក៏បានឆែកមើលវីដេអូពីកាមេរ៉ា និងរកឃើញថានៅម៉ោង ៩ និង ៨ នាទីយប់ បុរសនោះបានយកទូរស័ព្ទរបស់ខ្ញុំ ខណៈនាំយកប្រអប់ភីហ្សាពីទូរទុកដាក់អាហារ ។ តាមរយៈវីដេអូ បុរសនេះត្រូវបានរកឃើញថា បានព្យាយាមបន្លំលាក់ iPhone 7 របស់ខ្ញុំ នៅខាងក្រោមប្រអប់នំភីហ្សានៅដៃខាងស្តាំរបស់គាត់» ។
Tiara និយាយថា នាងបានព្យាយាមទាក់ទងទៅលេខទូរស័ព្ទរបស់នាង ប៉ុន្តែ វាត្រូវបានបិទ ។ ទោះយ៉ាងណា នាងក៏អាចតាមដានទីតាំងទូរស័ព្ទរបស់នាង តាមរយៈកម្មវិធី Find My iPhone ។
ម្យ៉ាងវិញទៀត នៅពេលនាងព្យាយាមខលទៅកាន់អ្នកនាំយកទំនិញនោះជាច្រើនលើក ដែលលេខទូរស័ព្ទរបស់គាត់ នាងទទួលបានពីតុហាងរបស់នាង សម្រាប់ការកូម្ម៉ង់អាហារ ក៏ពុំឆ្លើយតបទៀត ។
យោងតាម Tiara នេះជាលើកទី១ហើយ ដែលនាងបានជួបបុរសនេះ ៕ ចន្ទី