នាយក CIA Mike Pompeo ដែលទើបត្រូវបានស្នើបេក្ខភាពជារដ្ឋមន្ត្រីការបរទេសអាមេរិក កាលពីថ្ងៃទី ០១ ខែមេសា បានទៅទីក្រុងព្យុងយ៉ាង ហើយជួបជាមួយមេដឹកនាំ Kim Jong-Un ។ ក្នុងកិច្ចប្រជុំនោះលោក Pompeo បានទទួលនូវពាក្យសន្យាថា ពលរដ្ឋអាមេរិក៣រូបនឹងត្រូវបានដោះលែងពេលលោក Kim Jong-Un ជួបនឹងលោក Trump ។
ពលរដ្ឋអាមេរិក Kim Hak-song, Kim Dong-chul និង Kim Sang-duk
ពលរដ្ឋអាមេរិក ៣រូប ដែលត្រូវចាប់ខ្លួនរួមមាន ៖
១.ពាណិជ្ជករមានដើមកំណើតកូរ៉េ Kim Dong-Chul ត្រូវចាប់ខ្លួននៅខែតុលា ឆ្នាំ ២០១៥ ក្រោមបទចោទប្រកាន់ធ្វើចារកម្ម ។
២.Kim Sang-duk ឬ Tony Kim ត្រូវបានចាប់ខ្លួននៅខែមេសា ឆ្នាំ ២០១៧ ក្រោមបទចោទប្រកាន់ថាមានទង្វើប្រឆាំងនឹងរដ្ឋអំណាច ។
៣.Kim Hak-Song ត្រូវចាប់ខ្លួននៅខែ ឧសភា ឆ្នាំ ២០១៧ ក្រោមបទចោទប្រកាន់ប្រឆាំងនឹងរដ្ឋអំណាច ។
តាមតំណាងលោក Trump នឹងជួបលោក Kim Jong-Un នៅចុងខែឧសភា ឬដើមខែ មិថុនា ឆ្នាំ ២០១៨ ។
សប្តាហ៍កន្លងមកកូរ៉េខាងជើងបានប្រកាសថានឹងឈប់សាកល្បងនុយក្លេអ៊ែរ និងកាំជ្រួច ហើយប្រមូលផ្តុំលើការអភិវឌ្ឍសេដ្ឋកិច្ចវិញ។ ប្រធានាធិបតីអាមេរិក Donald Trump បានសម្តែងការសរសើរ ហើយថានេះជាព័ត៌មានល្អសម្រាប់ពិភពលោក ៕