ប្រធានាធិបតីអាមេរិកប្រកាសថា សាធារណរដ្ឋប្រជាធិតេយ្យប្រជាមាណិតកូរ៉េត្រូវតែរំសាយអាវុធនុយក្លេអ៊ែរជាថ្នូរនឹងការលុបចោលបទបញ្ជាដាក់ទណ្ឌកម្មរបស់សហគមន៍អន្តរជាតិ ។
ប្រធានាធិបតីដូណាល់ ត្រាំ ប្តេជ្ញាឆ្ពោះទៅកាន់គោលដៅគ្មាននុយក្លេអ៊ែរនៅឧបទ្វីបកូរ៉េ។
ប្រភពពី Reuter នៅថ្ងៃទី ២៣ ខែមេសានេះ ឲ្យដឹងថា ប្រធានាធិបតីអាមេរិកដូណាល់ ត្រាំ នឹងពុំមានការផ្តើមសំណើរកាត់បន្ថយការដាក់ទណ្ឌកម្មបន្តិចម្តងៗចំពោះកូរ៉េខាងជើងឡើយ ប្រសិនបើប្រទេសនេះមិនសន្យារំសាយចោលអាវុធនុយក្លេអ៊ែរ ។
មន្ត្រីជាន់ខ្ពស់នៃសេតវិមានម្នាក់ បានប្រាប់រយទ័រថា “គ្រាដែលប្រធានាធិបតីពោលថា លោកនឹងមិនឲ្យកំហុសឆ្គងនាអតីតកាលវិលត្រឡប់មកវិញឡើយ ។ នោះមានន័យថា អាមេរិកនឹងពុំមានការលើកលែងជាអាទិ៍ នឹងគ្មានការលុបចោលបទបញ្ជាដាក់ទណ្ឌកម្មរហូតទល់ពេលដែលកូរ៉េខាងជើងចាប់ផ្តើមបោះបង់ចោលកម្មវិធីនុយក្លេអ៊ែរ” ។
មុននោះមេដឹកនាំកូរ៉េខាងជើងគីមជុង អ៊ុន ប្រកាសថា “នឹងផ្អាកការសាកល្បងលុយក្លេអ៊ែរ ហើយបិទទ្វារទីលានសាកល្បងមួយ” ដើម្បីប្រមូលផ្តុំធ្វើការអភិវឌ្ឍន៍សេដ្ឋកិច្ច ។ តាមអ្នកវិភាគនោះលោក គីម ជុងអ៊ុន ពុំបាននិយាយដល់បញ្ហារំសាយអាវុធនុយក្លេអ៊ែរទេ ៕ សូយន
