លក្ខណៈប្រហុករុយទំឬត្រីខកំប៉ុង?!
ស្ត្រីអាយុ៥៥ឆ្នាំម្នាក់ ឈ្មោះ ណៈវាផន មេនឋនបះរិយ៉ា នៅឯខេត្ត ប្រាក់ធុំថានី ប្រទេសថៃបានទៅផ្សាទំនើប TESCO Lotus ដោយគាត់បានទិញ ត្រីខកំប៉ុង១យួរ គឺមាន៤កំប៉ុង ហើយកាលពីថ្ងៃ ២២ គាត់បានយកត្រីខកំប៉ុងនោះចេញមកដើម្បីធ្វើម្ហូប តែពេលដែលបើកមកក៏ឃើញមានរបស់ចម្លែកនៅលាយឡំជាមួយនឹងសាច់ត្រី គាត់ក៏ព្យាយាមសម្លឹងមើល ហើយអ្វីដែលជាចម្លើយគឺជាដង្កូវ។ មិនមែន១ទេ ហើយក៏មិនមែន២ដែរ មានរាប់សិបក្បាលកំពុងមានសេចក្ដីសុខជាមួយនឹងត្រីខ។
គេមិនបានបញ្ចេញឈ្មោះយីហោរបស់ត្រីខនេះទេ គ្រាន់តែបានបង្ហើបថាជា យីហោល្បីរបស់ថៃ ហើយក្នុងយប់នោះដែ អ៊ំស្រីខាងលើបានយកវត្ថុតាងទៅប្ដឹងនៅឯស្ថានីប៉ូលិស ចុះជាកំណត់ហេតុ ព្រោះគាត់មិនអាចទទួលយកបានចំពោះការមិនទទួលខុសត្រូវរបស់ក្រុមហ៊ុនត្រីខ មួយនេះ ពេលដែលគាត់បានតេទៅសួរនាំ។ ម្យ៉ាងវិញទៀត ថ្ងៃខែដែលនឹងផុតកំណត់ គឺយូររហូតដល់ ឆ្នាំ២០២០ឯណោះ៕ ក្ខិណី
