Travis Reinking ឧក្រិដ្ឋជនដែលបានបាញ់សម្លាប់មនុស្ស ៤នាក់ នៅភោជនីយដ្ឋាន Waffle House ទីក្រុង Nashville រដ្ឋ Tennessee អាមេរិក បានត្រូវចាប់ខ្លួនក្រោយយុទ្ធនាការហ៊ុមព័ទ្ធនឹងរុករករបស់ប៉ូលិសអស់ពេល ៣៥ម៉ោង ។
Travis Reinking ត្រូវបានប៉ូលិសចាបប់ខ្លួន
តាមលោក Don Aaron ដែលជាអ្នកនាំពាក្យរបស់ប៉ូលិស Nashville ដោយពឹងពាក់លើតម្រុយពីសហគមន៍ជនល្មើសត្រូវបានចាប់ខ្លួនក្នុងតំបន់ព្រៃមួយជិតអគារ ដែលក្នុងនោះមានផ្ទះរបស់វា ។
Travis បានប្រើអាវុធវាយប្រហារទៅលើភោជនីយដ្ឋានខាងលើនៅព្រឹកព្រលឹមថ្ងៃអាទិត្យ (22-4) ហើយសម្លាប់មនុស្សអស់ ៤នាក់ មុនពេលកើតមានការប្រតាយប្រតប់ រួចរត់គេចខ្លួនទៅ។
ចៅហ្វាយក្រុង David Briley បានថ្លែងក្នុងសន្និសីទសារព័ត៌មានថ្ងៃទី ២៣ ខែមេសាថា ៖ “ម្សិលមិញគឺជាថ្ងៃគួរឲ្យតក់ស្លុតចំពោះ Nashville ។ ចំណែកថ្ងៃនេះយើងអាចសាមគ្គីគ្នាបោះជំហានទៅមុខ”។
នៅពេលដែលប៉ូលិសរកឃើញ ហើយភ្ជង់កាំភ្លើងទៅកាន់វា ពុំត្រូវបានតដៃឡើយ ។ ពេលកំពុងចាប់ខ្លួនវាស្ពាយបាឡូមួយក្នុងនោះមានពិល កាំភ្លើង និងគ្រាប់ ។ ពេលត្រូវបានចាប់ខ្លួនជនល្មើសរក្សាភាពស្ងៀមស្ងាត់ ដោយគ្រាន់តែសំណូមពរការពារខ្លួន ។
ប្រតិបត្តិការចាប់ខ្លួនជនល្មើស។
ប៉ូលិសបានបញ្ជូន Reinking ទៅកាន់មន្ទីរពេទ្យដើម្បីពិនិត្យសុខភាពមុនពេលចោទប្រកាន់ករណី ។ ហេតុនេះគេនៅពុំទាន់ដឹងពីសកម្មភាពរបស់ជនល្មើសក្នុងអំឡុងពេល ៣៥ម៉ោង ក្នុងការបាញ់រះ ក៏ដូចជាមូលហេតុនៃទង្វើវាយប្រហារនេះ ៕ សូយន
