ភ្នំពេញ៖ កម្លាំងការិយាល័យក៤ សហការជាមួយអធិការដ្ឋាននគរបាលបាលខណ្ឌច្បារអំពៅ ធ្វើការឃាត់ខ្លួនតាមដីការរបស់ នគរបាលប្រទេសវៀតណាម ពីបទ ប្លន់ រំលោភ សម្លាប់ នៅខេត្តចាវិញ ប្រទេសវៀតណាម ដែលប្រព្រឹត្តិកាលពីថ្ងៃទី១៤ ខែធ្នូ ឆ្នាំ២០១៧។ ករណីឃាត់ខ្លួននេះ សមត្ថកិច្ចធ្វើឡើងកាលពីវេលាម៉ោង៣ និង៥០នាទីរសៀល ថ្ងៃចន្ទ ទី២៣ ខែមេសា ឆ្នាំ២០១៨ ត្រង់ចំណុចខាងក្រោយវត្តចម្បារ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។
ជនសង្ស័យដែលឃាត់ខ្លួនឈ្មោះ គីម ថានហឹង ហៅតាយ ភេទប្រុស អាយុ៤៣ឆ្នាំ ជនជាតិវៀតណាម រស់នៅភូមិឃុំកើតហេតុខាងលើ។ ជនសង្ស័យត្រូវបានសមត្ថកិច្ចឃុំខ្លួនបណ្តោះអាសន្ន រង់ចាំចាត់ការតាមនីតិវិធី៕ ដោយ៖បញ្ញាស័ក្តិ
