កងទ័ពអាកាសអាមេរិក បានប្រគល់ប្រាក់ជិត១ពាន់លានដុល្លារ ឲ្យទៅសម្ព័ន្ធក្រុមហ៊ុន Lockheed Martin ដើម្បីអភិវឌ្ឍន៍កំពូលកាំជ្រួចលឿនជាងសំឡេង បំណងប្រដេញតាមការជឿនលឿនថ្មីនេះរបស់រុស្ស៊ីនិងចិន ជុំវិញបញ្ហាផលិតបណ្តាសព្វាវុធដែលមានល្បឿនលឿន ហើយខ្លាំងជាង។
ថ្មីៗកន្លងមកនេះ ចិននិងរុស្ស៊ីបានប្រកាសពីការសាកល្បងជោគជ័យនូវប្រភេទអាវុធថ្មីគួរឲ្យខ្លាច អាចចលនាលឿនជាងសំឡេងច្រើនដង ព្រមទាំងអាចគេចផុតពីប្រព័ន្ធខែលកាំជ្រួចបច្ចុប្បន្ននេះ ។
អាមេរិកចំណាយ ១ពាន់លានដុល្លារ ដើម្បីអភិវឌ្ឍន៍ កាំជ្រួចស្លាប់ច្រើនបំផុត ។
ប្រៀបដូចជាកិច្ចឆ្លើយតបនឹងការគំរាមកំហែងរបស់ចិន និងរុស្ស៊ី ទ័ពអាកាសរបស់អាមេរិក បានប្រគល់ប្រាក់ ៩២៩លាន USD ទៅឲ្យសម្ព័ន្ធអវកាស Lockheed Martan ដើម្បីផលិតកំពូលអាវុធ “លឿនជាងសំឡេងច្រើនដង” ។ វាមានសមត្ថភាពចលនាក្នុងចម្ងាយរាប់ពាន់គីឡូម៉ែត្រក្នុង១ម៉ោង ហើយពុំមានអាវុធណាពុំអាចរាំងស្កាត់វាបានឡើយ។
អាវុធ Kinzhai: លឿនជាងសំឡេងច្រើនដង ដែលរុស្ស៊ីប្រកាសថា បានសាកល្បងជោគជ័យ។
ព័ត៌មានលំអិតពីអាវុធថ្មីនេះ ក៏ត្រូវបានប្រធានាធិបតីរុស្ស៊ីពូទីន ស្រាយបញ្ជាក់ក្នុងសុន្ទរកថាថ្លែងក្នុងរដ្ឋសភាប្រទេសនេះ កាលពីថ្ងៃទី ០១ ខែមីនា ។
ទន្ទឹមនោះតាមអនុរដ្ឋមន្ត្រីក្រសួងការពារជាតិអាមេរិក Mike Griffin ក៏បានថ្លែងទៅកាន់រដ្ឋសភាអាមេរិកថា ចិនបានបោះជំហានមុនអាមេរិកក្នុងបច្ចេកវិទ្យាអាវុធមានល្បឿនលឿនជាងសំឡេង។ មន្ត្រីរូបនេះក៏បានព្រមានផងដែរថា អាមេរិកពុំមានពេលវេលារក្សាតំណែងជាអធិរាជនៃបច្ចេកវិទ្យានេះទៀតហើយ ៕ សូយន
